WhatsApp-stokvel steeds in BoN se visier

Sentrale bank bestudeer skema

20 May 2020 | Bankwese
Denver Kisting – Die sentrale bank, Bank of Namibia (BoN), hou tans die N$200-stokvel fyn dop wat veral op WhatsApp die ronde doen.

So sê BoN by monde van sy adjunkdirekteur vir korporatiewe kommunikasie, mnr. Kazembire Zemburuka.

Volgens die woordvoerder probeer die sentrale bank tans vasstel of die bedryf van dié stokvel toelaatbaar is onder die Wet op Bankinstellings soos gewysig.

“Terwyl die ondersoeke aan die gang is, maan die bank opnuut lede van die publiek om versigtig en waaksaam te wees dat enige finansiële skema wat op die werwing van of adverteer vir deposito’s of die werwing van lede en/of die betaling van aansluitingsfooie steun, ’n onwettige skema mag wees wat daarop gemik is om die publiek te mislei om hulle van hul geld te skei.”

Derhalwe, sê Zemburuka, moet die publiek daarteen waak om sulke skemas te bemark of daaraan deel te neem.

Mense wat kragte saamspan om geld te spaar, word nie beskou dat hulle onwettig as ’n bank handel dryf nie, mits hul ledetal nie 20 mense oorskry nie of die bedrag wat per lid verlang word, nie in totaal meer as N$500 000 is nie, sê die woordvoerder.

’n Stokvel is in die algemeen nie onwettig nie, maar ’n skema om blitsvinnig ryk te word, is wel, waarsku hy. “Tradisioneel is ’n stokvel soos ’n klub waarvolgens ’n groep vriende of mense met ’n gemeenskaplike doelwit en informeel besluit om hul geld saam te gooi ten bate van alle lede van die klub. Dikwels sal lede na ’n bank toe gaan en ’n rekening open of die geld vir kruideniersware gebruik of dit net versamel en (aan die einde van) elke maand onttrek.”

- [email protected]

Soortgelyk

 

Geweldenaars op vrye voet

11 ure gelede | Misdaad

Denver Kisting – Teen gistermiddag was die man steeds op vrye voet wat glo Saterdagoggend by 'n huis in Havana ingebreek en 'n vrou ten...

Swaar straf wag op Covid-oortreders

11 ure gelede | Regering

Denver Kisting – Dr. Kalumbi Shangula, die mi­nister van gesondheid en maatskaplike dienste, sê geskoei op Namibiërs se gedrag vandat die noodtoestand ten einde geloop...

Weer, Maandag 21 September 2020

11 ure gelede | Weer

BINNELAND: Gedeeltelik bewolk en baie warm in die noordoostelike streke met 'n paar buie in die Zambezi. Elders sonnig en baie warm tot bloedig warm.KUS:...

Toeriste uit Europa land

11 ure gelede | Vervoer

Augetto GraigEurowings se vlug LH5434 het gisteroggend net voor sonop vanuit Frankfurt by die Internasionale Lughawe Hosea Kutako geland. Die Airbus A330-300 met 280 sitplekke...

Itula: 'Outokratiese' aantygings pla nie

11 ure gelede | Politiek

Jemima Beukes – Die leier van die Independent Patriots for Change (IPC), dr. Panduleni Itula, sê kritici en beswaarde lede wat hom as 'n “huigelaar”...

NSFAF subsidieer skootrekenaars, datatoestelle

11 ure gelede | Onderwys

Augetto Graig – Namibiese studente sal binnekort gesubsidieerde skootrekenaars en goedkoop data kan koop om aanlyn afstandsonderrig te vergemaklik. Die Finansiële Hulpfonds vir Namibiese Studente...

Gertze skotvry ná skietvoorval

11 ure gelede | Howe

Ogone Tlhage – Die klag van poging tot moord teen die uitvoerende direkteur van die Namibiese Kwalifikasieowerheid (NQA), mnr. Franz Gertze, is Donderdag in die...

WEN AFSLAG OP 'N VAKANSIE

11 ure gelede | Gebeure

In aanloop tot die ­Namibië ­Toerisme Ekspo gee ­Republikein elke dag tot 6 November een afslag-reisbewys ter waarde van N$1 000 weg.SMS die sleutelwoord “NTE2020”...

Twee babaseuntjies doodgebrand; huisbrekers ’n pes

16 ure gelede | Misdaad

Augetto Graig – Die naweek van 18 tot 20 September het volgens die polisie se nuutste misdaadverslag verskeie onnatuurlike lewensverliese opgelewer. Twee babaseuntjies is doodgebrand...