Werknemers moet in Maart, April volle betaling kry

Arbeidsministerie vergader met vennote

27 March 2020 | Sakenuus
Die ministerie van arbeid, nywerheidsverhoudinge en werkskepping het ’n beroep op werkgewers in al die sektore in die land gedoen om hulle werknemers in Maart en April ten volle te vergoed, al is hulle nie by die werk nie.

Die ministerie se uitvoerende direkteur, mnr. Bro-Matthew Shinguadja, sê dit het bekend geword dat sommige werkgewers hulle werknemers dwing om in die volgende drie weke wat die Covid-19-inperkingsmaatreëls geld, hul jaarlikse verlof of onbetaalde verlof te neem.

“Dit moet ten alle koste vermy word en as enige verlof vir hierdie tydperk geneem word, moet vooraf daarop ooreengekom word.”

Hy sê die ministerie het in die lig van die Covid-19-noodtoestand, met verteenwoordigers van die land se werkgewers en werknemers vergader.

Hy sê die ministerie en dié sosiale vennote het ooreengekom dat niemand hul werk as gevolg van die pandemie en die maatreëls wat ingestel is om dit te bekamp, moet verloor nie.

Shinguadja wys daarop dit is belangrik om werksekerheid te behou en besighede in hierdie kritieke tyd volhoubaar te bestuur.

Hy sê dié drie partye doen ?’n beroep op werkgewers om maniere te ondersoek wat hulle in staat sal stel om hul werknemers in hierdie moeilike tye te behou.

As werkgewers in samewerking met werkersunies ooreenkom om werkers ter wille van die bekamping van die verspreiding van die coronavirus huis te stuur, moet hulle weer kan terugkeer werk toe wanneer die staat van inperking opgehef word.

Dié ministerie het opnuut ’n beroep gedoen op werkgewers om seker te maak werkplekke word veilig gehou deur die voorsorgmaatreëls van die ministerie van gesondheid en maatskaplike dienste en die Wêreldgesondheidsorganisasie (WHO) te volg.

Soortgelyk

 

Hoofstad onder inperking

11 ure gelede | In beeld

Lang rye mense staan Dinsdag voor winkeldeure in die hoofstad se winkelsentrums om een vir een ingelaat te word. Dít omdat hoktydregulasies die getal mense...

Te min Covid-19-toetsstelle, ventilators

11 ure gelede | Ministeries

Henriette Lamprecht – Die grootste struikelblokke in die stryd teen Covid-19 in Namibië sluit in ’n gebrek aan ten volle toegeruste isolasiegeriewe in die streke...

Noodmaatreëls geld reeds landswyd

11 ure gelede | Regering

Denver Kisting – Die eerste minister, me. Saara Kuugongelwa-Amadhila, het gisteroggend by navraag bevestig die Namibiese regering se Covid-19-noodmaatreëls is reeds op die hele land...

‘Trokdrywers ’n nasionale bate’

11 ure gelede | Vervoer

Ronelle Rademeyer – “Ons drywers is nou ons belangrikste bate en ons moet na hul welsyn omsien. Soos dinge nou aangaan, kan dit vir hulle...

Weer, Woensdag 1 April 2020

11 ure gelede | Weer

BINNELAND: Gedeeltelik bewolkte en warm weer met verspreide donderbuie in die noordelike en sentrale dele van die land. Geïsoleerde tot verspreide donderstorms word op plekke...

Otjiwarongo reg vir Covid-19

11 ure gelede | Plaaslik

Augetto GraigOtjiwarongo is hard besig met voorbereidings om die nuwe ­coronavirus by die horings te pak. Die sakeleier mnr. Theo Borstlap en plaaslike apteker mnr....

Vyf huurvlugte neem Europeërs na Duitsland

11 ure gelede | Vervoer

Ronelle Rademeyer - ’n Totaal van 2 039 Europeërs en Britte wat in Namibië met vakansie was of hier werk, het sedert die naweek op...

‘Koop asseblief bedagsaam’

11 ure gelede | Plaaslik

Elvira Hattingh – Kort voor Namibië se Khomas- en Erongostreek gehok is, was supermarkte en apteke in die hoofstad ’n stormloop van paniekerige kopers. Dít...

Hulp vir bejaardes

11 ure gelede | Plaaslik

Tanja Bause – Mnr. Deon de Waal (58) het ’n beroep op sosiale media gedoen dat mense bo 70 wat tans midde die coronakrisis hulp...