Werkloosheid onder jeug ‘n nasionale krisis - DTA
Mnr. McHenry Venaani is bekommerd oor toenemende werkloosheid onder die jeug en stel voor dat ondersoek ingestel word na die vaardighede waaroor die land beskik.
Estelle de Bruyn - Onlangse syfers uit die vierde nasionale arbeidsmag-opname deur die Namibiese Agentskap vir Statistiek (NSA) skets volgens die president van die DTA, mnr. McHenry Venaani, ‘n kommerwekkende prentjie oor jong Namibiërs.
Volgens die NSA het werkloosheid onder die jeug van 39% in 2014 tot 43,4% in 2016 gestyg.
“In numeriese terme is ‘n toename van 4,5 persentasiepunte op die oog af nie veel nie, maar wanneer dit omgeskakel word in die impak op die jeug in Namibië, is dié syfers onrusbarend.
“Namibië is gevaarlik naby daaraan dat elke tweede jongmens werkloos is. Wanneer ‘n mens verder in ag neem dat die jeug die grootste demografiese segment in Namibië opmaak en veronderstel is om die mees ekonomies-aktiewe een te wees, is die moeilike ekonomiese tye wat die land ondervind nie verbasend nie,” sê Venaani
Hy sê dit kom ten tyde van die Geingob-administrasie wat hierdie termyn op armoede-verligting fokus.
“Hoe verlig ‘n mens armoede as werkloosheid onder die grootste nasionale demografiese segment, die jeug, tydens die Harambee-tydperk aan die toeneem is?
“Dit behoort ‘n wekroep vir ons beleidmakers en besluitnemers te wees dat hul beleid enersyds nie werk nie, of andersyds dat hulle ‘n dwaling begaan het. Die grondslag vir armoedeverligting behoort te wees om werkloosheid die hoof te bied. Elke ander inisiatief moet ‘n sekondêre posisie inneem.
“Dit is nie langer regverdigbaar vir Namibiese instansies van hoër opvoeding om gegradueerdes te produseer wat nie oor die vaardighede beskik om in die Namibiese arbeidsmark opgeneem te word nie.
“Die aantal gegradueerdes wat sonder werk sit behoort aan ons instansies van hoër opvoeding te wys dat kwalifikasies en vaardighede vir die Namibiese arbeidsmag ontwerp moet word,” sê Venaani.
Om dié rede vra die DTA opnuut dat ‘n karteringstudie van nasionale vaardighede gedoen word.
“Ons beleid kan nie in isolasie ontwikkel word nie, maar behoort gelei te word deur bestaande vaardighede onder die jeug en die identifikasie van areas in die arbeidsmark waarin die jeug vaardighede moet opdoen en opgelei moet word.
“In die era van openbare-private vennootskappe kan so ‘n studie gesamentlik deur die twee ministeries verantwoordelik vir onderwys, instansies van hoër onderwys, insluitende beroepsopleidingsentrums, die private sakesektor en die burgerlike gemeenskap gedoen word.
“Namibië se onderwyssektor moet nie net vaardige en gekwalifiseerde jongmense produseer nie, maar ook jongmense wat gereed is om in diens geneem te word,” sê Venaani.
Volgens die NSA het werkloosheid onder die jeug van 39% in 2014 tot 43,4% in 2016 gestyg.
“In numeriese terme is ‘n toename van 4,5 persentasiepunte op die oog af nie veel nie, maar wanneer dit omgeskakel word in die impak op die jeug in Namibië, is dié syfers onrusbarend.
“Namibië is gevaarlik naby daaraan dat elke tweede jongmens werkloos is. Wanneer ‘n mens verder in ag neem dat die jeug die grootste demografiese segment in Namibië opmaak en veronderstel is om die mees ekonomies-aktiewe een te wees, is die moeilike ekonomiese tye wat die land ondervind nie verbasend nie,” sê Venaani
Hy sê dit kom ten tyde van die Geingob-administrasie wat hierdie termyn op armoede-verligting fokus.
“Hoe verlig ‘n mens armoede as werkloosheid onder die grootste nasionale demografiese segment, die jeug, tydens die Harambee-tydperk aan die toeneem is?
“Dit behoort ‘n wekroep vir ons beleidmakers en besluitnemers te wees dat hul beleid enersyds nie werk nie, of andersyds dat hulle ‘n dwaling begaan het. Die grondslag vir armoedeverligting behoort te wees om werkloosheid die hoof te bied. Elke ander inisiatief moet ‘n sekondêre posisie inneem.
“Dit is nie langer regverdigbaar vir Namibiese instansies van hoër opvoeding om gegradueerdes te produseer wat nie oor die vaardighede beskik om in die Namibiese arbeidsmark opgeneem te word nie.
“Die aantal gegradueerdes wat sonder werk sit behoort aan ons instansies van hoër opvoeding te wys dat kwalifikasies en vaardighede vir die Namibiese arbeidsmag ontwerp moet word,” sê Venaani.
Om dié rede vra die DTA opnuut dat ‘n karteringstudie van nasionale vaardighede gedoen word.
“Ons beleid kan nie in isolasie ontwikkel word nie, maar behoort gelei te word deur bestaande vaardighede onder die jeug en die identifikasie van areas in die arbeidsmark waarin die jeug vaardighede moet opdoen en opgelei moet word.
“In die era van openbare-private vennootskappe kan so ‘n studie gesamentlik deur die twee ministeries verantwoordelik vir onderwys, instansies van hoër onderwys, insluitende beroepsopleidingsentrums, die private sakesektor en die burgerlike gemeenskap gedoen word.
“Namibië se onderwyssektor moet nie net vaardige en gekwalifiseerde jongmense produseer nie, maar ook jongmense wat gereed is om in diens geneem te word,” sê Venaani.
Kommentaar
Republikein
Geen kommentaar is op hierdie artikel gelaat nie