Werkloosheid byt jong veeartse
Die leier van die amptelike opposisie het gister onderneem om afgestudeerde veeartsenystudente se pleidooie te prioritiseer.
Denver Kisting – Die regering het 'n veeartsenyfakulteit by 'n plaaslike universiteit gevestig, omdat die staat 'n behoefte aan dié kundigheid het.
Derhalwe, sê dr. Martin Katumbe, dring hulle daarop aan om deur die regering in diens geneem te word. “Hulle moet daardie behoefte absorbeer,” sê hy.
'n Groep afgestudeerde veeartse onder leiding van Katumbe het gisteroggend 'n vergadering met mnr. McHenry Venaani, die leier van die Popular Democratic Movement (PDM), by die parlement belê.
Volgens Venaani is die studente ná ses jaar lange studies “in die strate van kapena iilonga (geen werk in Oshiwambo) gegooi”.
Dié groep is die eerstes wat hul veeartsenykwalifikasies aan die Universiteit van Namibië (Unam) verwerf het.
Hulle het die PDM gevra om hulle te help om druk op die regering te plaas om hulle in diens te neem.
Die groep het verlede jaar hul studies voltooi en vroeër vanjaar vanweë die uitbreking van Covid-19 in absentia gegradueer.
Katumbe sê hulle wil ook deur die regering in diens geneem word om ervaring op te doen.
Boonop is die private sektor reeds oorvol, meen hy. “Ons het geen ervaring om 'n praktyk oop te maak nie.”
Die eerste minister, me. Saara Kuugongelwa-Amadhila, het by navraag gesê die regering neem kennis van die pleidooie van veral jeugdiges wat werkloos is.
“As 'n regering het ons ons nog altyd daartoe verbind om gegradueerdes in die staatsdiens te huisves binne ons finansiële vermoëns. Die kwessie van werklose jeuggegradueerdes word gewoonlik bespreek en hanteer deur die lynministeries.” Sy het erken dit “is inderdaad 'n moeilike situasie gegewe die huidige ekonomiese uitdagings”.
- [email protected]
Derhalwe, sê dr. Martin Katumbe, dring hulle daarop aan om deur die regering in diens geneem te word. “Hulle moet daardie behoefte absorbeer,” sê hy.
'n Groep afgestudeerde veeartse onder leiding van Katumbe het gisteroggend 'n vergadering met mnr. McHenry Venaani, die leier van die Popular Democratic Movement (PDM), by die parlement belê.
Volgens Venaani is die studente ná ses jaar lange studies “in die strate van kapena iilonga (geen werk in Oshiwambo) gegooi”.
Dié groep is die eerstes wat hul veeartsenykwalifikasies aan die Universiteit van Namibië (Unam) verwerf het.
Hulle het die PDM gevra om hulle te help om druk op die regering te plaas om hulle in diens te neem.
Die groep het verlede jaar hul studies voltooi en vroeër vanjaar vanweë die uitbreking van Covid-19 in absentia gegradueer.
Katumbe sê hulle wil ook deur die regering in diens geneem word om ervaring op te doen.
Boonop is die private sektor reeds oorvol, meen hy. “Ons het geen ervaring om 'n praktyk oop te maak nie.”
Die eerste minister, me. Saara Kuugongelwa-Amadhila, het by navraag gesê die regering neem kennis van die pleidooie van veral jeugdiges wat werkloos is.
“As 'n regering het ons ons nog altyd daartoe verbind om gegradueerdes in die staatsdiens te huisves binne ons finansiële vermoëns. Die kwessie van werklose jeuggegradueerdes word gewoonlik bespreek en hanteer deur die lynministeries.” Sy het erken dit “is inderdaad 'n moeilike situasie gegewe die huidige ekonomiese uitdagings”.
- [email protected]
Kommentaar
Republikein
Geen kommentaar is op hierdie artikel gelaat nie