Werkgewers sleep regering hof toe

NEF nader swaargewig regspan

30 April 2020 | Arbeid
Ronelle Rademeyer

’n Swaargewig regspan het opdrag om voor die einde van Mei die “drakoniese” Covid-19-arbeidsriglyne in die hof te betwis wat werkgewers verbied om mense af te lê of hul werkskontrakte te beëindig.

Dit is gistermiddag deur mnr. Daan Strauss, president van die Namibiese Werkgewersvereniging (NEF), bevestig.

Dit volg ná die publikasie laat Dinsdag van ’n proklamasie in die Staatskoerant waarin pres. Hage Geingob die bepalings van sekere wette en verordeninge, insluitend die arbeidswet, ingevolge die noodtoestand opgeskort het.

Dit beteken die arbeidsregulasies wat die ministerie van arbeid, nywerheidsbetrekkinge en werkskepping vir publikasie in die Staatskoerant voorberei het en wat verlede week deur minister Utoni Nujoma aangekondig is, het van krag geword.

Benewens die feit dat werknemers nie as gevolg van die pandemie se verreikende impak op sakeondernemings afgedank of afgelê mag word nie, mag hulle ook nie gedwing word om onbetaalde verlof of hul jaarlikse verlof te neem nie.

Werkgewers mag ook nie hul werknemers se salarisse verminder sonder onderhandelinge met vakbonde of werknemerverteenwoordigers nie. In die afwesigheid van hierdie bemiddelaars, moet gesprekke met die werknemers self gevoer word.

As die werkgewers en die werknemers ’n ooreenkoms bereik het, moet die stawende dokumentasie by die arbeidskommissaris ingedien word.

Indien werkgewers vóór die inwerkingtreding van hierdie regulasies mense in hul diens afgelê het, moet hulle weer aangestel word.

Voorts bepaal die regulasies ook sou ’n werknemer ’n familielid hê wat coronavirussiekte opgedoen het nie na hom- of haarself kan omsien nie, moet siekverlof aan die werknemer toegestaan word. As die siekverlofdae uitgeput is, moet dit verleng word.

In die lig van die proklamasie is ’n virtuele vergadering wat op versoek van die werkgewersliggame Maandagoggend met die arbeidsministerie en vakbondleiers gevoer sou word en op versoek van die ministerie na gistermiddag uitgestel is, afgelas.

Mnr. Eben de Klerk, arbeidsontleder en eienaar van ISG Consult, sê met dié proklamasie het die regering die land se enigste hoop op ekonomiese oorlewing, naamlik die private ondernemings, ’n doodskoot toegedien.

“Hoe meer besighede vou, hoe meer mense gaan sonder werk sit,” sê hy.

Die NEF het gister in ’n verklaring gesê sy motief vir die vergadering is deur die afgekondigde proklamasie “nietig gemaak” en daarom het die raad besluit om dit te kanselleer.

Die NEF sowel as die Namibiese Werkgewersvereniging (NEA) het die feit dat hulle nie vooraf oor die voorgenome regulasies geraadpleeg is nie, skerp veroordeel. Dit was juis met die oog op behoorlike konsultasie dat hulle die virtuele vergadering met die ministerie en vakbondleiers versoek het.

Strauss het gister aan Republikein gesê ’n swaargewig regspan onder leiding van mnr. Frank Köpplinger en adv. Raymond Heathcote, SC, se onmiddellike taak is om soveel moontlike data oor die finansiële implikasies van die regulasies op die sakewêreld met die oog op die hofaansoek in te samel.

Soortgelyk

 

Hardap-sluise nóg groter getrek

19 ure gelede | Omgewing

Elvira Hattingh - Die Hardapdam se sluise is om 10:30 nóg groter oopgetrek sodat dit nou 300 m³ water per sekonde uitlaat – ‘n aanpassing...

La Niña skop dalk nóú in

19 ure gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

19 ure gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

19 ure gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

19 ure gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

19 ure gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

19 ure gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

19 ure gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

19 ure gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...