Wees 'n held op die pad
Namibiërs het 'n regs- en morele verpligting om padreëls te gehoorsaam.
Maria Eiseb - Wees ’n held en hou by die reëls van die pad.
Die Motorvoertuigongelukfonds (MVAF) het op die vooraand van Heldedagvieringe motoriste gemaan om padreëls te gehoorsaam.
Volgens die MVAF se korporatiewe hoof sal dit help om lewens op die land se paaie te red.
Mnr. Kapena Tjombonde het verwys na die lewensverlies van 14 mense verlede jaar tydens die Heldedagnaweek en gesê dit kan slegs vermy word as almal hulself daartoe verbind om verantwoordelike padgebruikers te wees.
Vanjaar se Heldedagvieringe val saam met die skoolvakansie, sowel as die jaarlikse handelskou op Ongwediva.
“Die fonds doen hiermee ’n beroep op alle motoriste om die beginsels van heldemoed te omhels. Dit sluit selfrespek, altruïsme, toewyding, plig, deernis en integriteit in. Ons het almal ’n regs- en morele verpligting om te alle tye sitplekgordels te dra, by die voorgeskrewe spoedbeperkings te hou, bedag te wees op voetgangers en nie onder die invloed van drank te bestuur nie,” het Tjombonde gesê.
Hy het ’n beroep op motoriste gedoen om die herinnering aan “ons dapper helde en heldinne” te eer deur nóg bloedvergieting op die land se paaie te vermy.
“Hul opofferinge het dit vir ons moontlik gemaak om in ’n land te bly wat gevestig is op doeltreffende regering, respek vir die wet, waardigheid, eenheid en respek vir menselewens.”
Intussen het pastoor Werner Philips 'n beroep op Christene in die land gedoen om by twee spesifieke geleenthede vanjaar 'n spesiale gebed vir padgebruikers in Namibië te doen. Volgens Phillips moet dié gebede altyd voor Paasnaweek en ook voor die Desember-vakansie gedoen word wanneer almal saam met hul gesinne met vakansie gaan.
“Dít is wanneer ongelukke die meeste op ons paaie voorkom," het Philips gesê. Hy het, saam met 'n gebedsgroep, in 2007 reeds in die Suide naby Kalkrand met gebede vir padgebruikers begin. In 2012 is nog 'n gebedsessie op die brug buite Okahandja vir gebruikers van die pad na die Noorde gehou.
“Daar vind net te veel ongelukke plaas en ons kan dit nie net so aanskou nie," het hy gesê.
"Ongelukke laat kinders wees, huise word verwaarloos en armoede duur voort. In dié ongelukke kom die broodwinners om en ons moet iets daaraan doen."
Philips het vervolgens 'n versoek aan die regering gerig om twee dae vir gebed uit te sonder "sodat ons vir die paaie en vir die Namibiese volk kan bid".
"Ons wil met dié gebede ons ondersteuning gee. Ons is bereid om te bid, ons het die krag van gebed," het hy gesê.
Volgens Philips word hy gereeld deur skole genooi om ná die vakansie 'n gebed daar te gaan doen.
"Wanneer die onderwysers aankondig daar is leerlinge wat nie weer gaan terugkeer nie, omdat hulle in padongelukke gesterf het, bloei my hart."
Die Motorvoertuigongelukfonds (MVAF) het op die vooraand van Heldedagvieringe motoriste gemaan om padreëls te gehoorsaam.
Volgens die MVAF se korporatiewe hoof sal dit help om lewens op die land se paaie te red.
Mnr. Kapena Tjombonde het verwys na die lewensverlies van 14 mense verlede jaar tydens die Heldedagnaweek en gesê dit kan slegs vermy word as almal hulself daartoe verbind om verantwoordelike padgebruikers te wees.
Vanjaar se Heldedagvieringe val saam met die skoolvakansie, sowel as die jaarlikse handelskou op Ongwediva.
“Die fonds doen hiermee ’n beroep op alle motoriste om die beginsels van heldemoed te omhels. Dit sluit selfrespek, altruïsme, toewyding, plig, deernis en integriteit in. Ons het almal ’n regs- en morele verpligting om te alle tye sitplekgordels te dra, by die voorgeskrewe spoedbeperkings te hou, bedag te wees op voetgangers en nie onder die invloed van drank te bestuur nie,” het Tjombonde gesê.
Hy het ’n beroep op motoriste gedoen om die herinnering aan “ons dapper helde en heldinne” te eer deur nóg bloedvergieting op die land se paaie te vermy.
“Hul opofferinge het dit vir ons moontlik gemaak om in ’n land te bly wat gevestig is op doeltreffende regering, respek vir die wet, waardigheid, eenheid en respek vir menselewens.”
Intussen het pastoor Werner Philips 'n beroep op Christene in die land gedoen om by twee spesifieke geleenthede vanjaar 'n spesiale gebed vir padgebruikers in Namibië te doen. Volgens Phillips moet dié gebede altyd voor Paasnaweek en ook voor die Desember-vakansie gedoen word wanneer almal saam met hul gesinne met vakansie gaan.
“Dít is wanneer ongelukke die meeste op ons paaie voorkom," het Philips gesê. Hy het, saam met 'n gebedsgroep, in 2007 reeds in die Suide naby Kalkrand met gebede vir padgebruikers begin. In 2012 is nog 'n gebedsessie op die brug buite Okahandja vir gebruikers van die pad na die Noorde gehou.
“Daar vind net te veel ongelukke plaas en ons kan dit nie net so aanskou nie," het hy gesê.
"Ongelukke laat kinders wees, huise word verwaarloos en armoede duur voort. In dié ongelukke kom die broodwinners om en ons moet iets daaraan doen."
Philips het vervolgens 'n versoek aan die regering gerig om twee dae vir gebed uit te sonder "sodat ons vir die paaie en vir die Namibiese volk kan bid".
"Ons wil met dié gebede ons ondersteuning gee. Ons is bereid om te bid, ons het die krag van gebed," het hy gesê.
Volgens Philips word hy gereeld deur skole genooi om ná die vakansie 'n gebed daar te gaan doen.
"Wanneer die onderwysers aankondig daar is leerlinge wat nie weer gaan terugkeer nie, omdat hulle in padongelukke gesterf het, bloei my hart."
Kommentaar
Republikein
Geen kommentaar is op hierdie artikel gelaat nie