Weermag onder skoot

Kalahari-uitlating in die spervuur

25 September 2019 | Ministeries
Denver Kisting – Twee Windhoekse prokureurs, mnre. Trevor Brockerhoff en Dirk Conradie, sê hulle stem nie saam dat lede van die publiek wraak sal wil neem teen soldate nie.

Mnr. Penda ya Ndakolo, die minister van verdediging, het verlede week in die parlement gesê Jan en San Alleman mag geen foto’s neem of video’s maak van weermaglede tydens ’n operasie nie.

Sy verweer was dat dié beeldmateriaal gebruik kan word om wraakaanvalle op soldate van stapel te stuur “of vir sommige ander misdadige bedoelings”.

Brockerhoff het gister by navraag gesê hy stem nie saam nie.

“Sou daar geen skending van fundamentele regte wees aan die hand van die staatsmagte soos Artikel 8 (2) (van die Grondwet) verbied nie, hoekom sou daar rede vir wraak wees?”

Dié artikel lui: “Geen mens sal onderwerp word aan teistering of wrede, onmenslike of neerhalende behandeling of straf nie.”

Conradie gee Brockerhoff gelyk. “Daar kan geen sprake wees van weerwraak nie, omdat die staatsmasjinerie nie vergelyk kan word met wat tot die beskikking van die individu is nie. Hoe kan ’n instelling gehoor word om te sê hulle vrees wraak deur ’n individu?”

Hy sê sonder enige wet wat die weermag se optrede regverdig, is dié verbod ’n fout.

Boonop, sê Conradie, sulke beeldmateriaal “kan help om slagoffers (van weermaggewelddadigheid) by te staan wanneer hulle hul reg uitoefen om ’n eis vir skadevergoeding weens sulke onwettige optrede in te stel”.

Ya Ndakolo het verlede week gesê: “Deesdae kan video’s gedokter en gebruik word vir allerlei slegte bedoelings. So, lede van die publiek word gemaan om hulle te weerhou van die maak van video’s van veiligheidsmaglede tydens operasies.”

Die teenmisdaadoperasie Kalahariwoestyn het onlangs sy tweede slagoffer geëis – weer eens glo aan die hand van ’n soldaat.

Mnr. Benisius Kalola (32) is dood nadat hy in die rug getref is ná hy glo weggehardloop het toe die owerhede op ’n video wat hy van ’n operasie gemaak het, beslag wou lê.

Vroeër vanjaar is mnr. Fambauone “Charlie” Black, ’n 22-jarige Zimbabwiese taxibestuurder, glo ook deur ’n soldaat doodgeskiet.

Lt.kol. Petrus Shilumbu, die weermag se woordvoerder, het gister gesê hy volstaan by die minister se verklaring.

“Ek kan nie die minister se verklaring afwater nie.”

Hy het Republikein na afdeling 55 van die verdedigingswet verwys.

Dié afdeling verbied foto’s, sketse, planne, modelle en aantekeninge van persele wat vir militêre of verdedigingsdoeleindes gebruik word, of onder militêre beheer is.

Dit maak geen melding van video’s nie.

Shilumbu het sy standpunt oor afwatering herhaal toe hy gevra is of die perseel in Katutura waar Kalola geskiet is, onder militêre beheer was of vir weermag- of militêre doeleindes gebruik is.

Conradie en Brockerhoff sê dié afdeling is nie op die huidige omstandighede van toepassing nie.

“Dit is met verwysing na militêre instellings met betrekking tot die nasionale veiligheidsaspek. Video’s van die weermag wat mense slaan en ongestraf optree kan nie vertolk word om onder die verdedigingswet gedek te word nie,” sê Brockerhoff.

Conradie sê: “Die afdeling is duidelik oor wat nie afgeneem mag word nie en mense is nie deel van daardie uitsluiting nie.”

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...