W'baai se onafhanklike kandidate

Swapo-lede verwerp party

14 January 2020 | Politiek
Adolf Kaure - Vier kandidate sal môre in Walvisbaai se stedelike tussenverkiesings teen mekaar meeding.

Swapo se me. Sirie Topulathana, die Popular Democratic Movement (PDM) se mnr. Richard Hoaeb, en twee onafhanklike kandidate, mnre. Knowledge Ipinge en Keneth Iilonga, sal dit uitspook om die raadslid vir dié kiesafdeling te word.

Volgens Ipinge, wat gekies het om onafhanklik aan dié verkiesings deel te neem, het die regerende party die gemeenskap van Walvisbaai-stedelik gefaal.

“Partypolitiek is nie meer vir my ’n oplossing op Walvisbaai se probleme nie. Dit is hoekom ek as onafhanklike kandidaat meeding. Dit is om die gemeenskap te verenig. Ek wil met almal werk – ongeag hul verskillende politieke agtergronde, rasse of gelowe,” sê Ipinge.

Hy sê hy wil die waardigheid herstel van veral dié inwoners wat in sinkhuise in mense se agterplase woon.

Volgens hom is die oplossing op die kwessie dat plaasnommer 37 aan dié mense toegeken word.

“Hoekom kan hulle nie reeds vir die mense erfnommers gee en hulle toelaat om klein fooie daarvoor te betaal nie? Die fooi kan iets wees van nie meer as N$5 000 nie – selfs as dit beteken hulle moet ’n bedrag van N$1 000 vir vooraftoekenning betaal,” sê hy.

“Indien daar sowat 3 000 erwe is wat hulle beplan om te diens, en hulle ontvang N$1 000 vir elk, sal genoeg geld ingesamel kan word om met die diensprogram te begin. Dit sou as waarborg dien dat hulle die erwe gaan kry, omdat hulle agterná daarvoor sal kan betaal,” sê Ipinge.

Dié onafhanklike kandidaat sê die Walvisbaai-munisipaliteit en die kiesafdelingkantoor kan ’n deurlopende fonds vestig om die laekostebehuisingkwessie op te los.

Hy meen werkloses moenie ontmoedig wees om aansoek vir die plotte op plaas 37 te doen nie, omdat hulle danksy entrepreneurskap die fondse hiervoor kan bekom.

“Kyk na goed soos die rooi stene wat mense maak – dit is meer bekostigbaar. Neem ander strukture soos voorafvervaardigde mure in ag om huise mee te bou. Dit is alles laekoste maniere waarop ’n huis vir sowat N$50 000 gebou kan word. Die individu sal die N$50 000 kan afbetaal met die geld wat hulle tans gebruik om die verhuring van hul sinkhuis te betaal,” sê hy.

Die ander Swapo-lid, mnr. Keneth Iilonga, wat ook as onafhanklike kandidaat deelneem, sê Swapo-lede se stryd om posisies het hom oortuig om onafhanklik te staan.

“As jy nie vriende met ander leiers of takkoördineerders in die Erongostreek is nie, sal jy nie ’n posisie kan kry nie, en dan beswadder hulle ook jou naam,” sê hy.

“Nog ’n probleem met Swapo is dat die meeste raadslede van die Walvisbaai-munisipaliteit Swapo-lede is. Hulle luister nie as jy vir hulle vrae het of as jy ’n vergadering met hulle wil reël nie. Hulle vra liewer wie jy is, waar jy vandaan kom, en wat jou posisie is,” sê Iilongo.

Volgens hom is sy hoofdoel om almal in agterplaassinkhuise in Kuisebmond, Twalokola en Tutaleni woon na plaas 37 te laat verskuif.

“Swapo sê slegs mense met geld en dié wat sement en stene kan bekostig, sal na plaas 37 mag verhuis, maar van die mense werk nie, en kan nie bekostig om sement en stene te koop nie,” sê hy.

“Wat ek wil hê, is dat almal daarheen trek, hul eie grond daar kry, en hul eie strukture daar kan oprig,” sê hy.

Volgens die Verkiesingskommissie van Namibië (ECN) het 23 169 mense geregistreer om in die tussenverkiesing te stem.

Vaste stempunte sal tussen 07:00 en 21:00 by die Laerskool Immanuel Ruiters, die Kuisebmond-gemeenskapsaal, die Hosiana-kerk, Hoërskool De Duine, die dorp se munisipale biblioteeksaal, die Nakambale-kerksaal, die Anglikaanse kerksaal, St. Peters Katolieke kerk en die Gekombineerde Skool Duinsig oop wees.

Mobiele stempunte sal by die Narraville-polisiekantoor, die dorpspolisiekantoor, die gevangenis, staatshospitaal, Huis Palms, Kuisebmond-ouetehuis, Welwitschia-hospitaal, die mariene basis en die vlootbasis opgerig word.

Die posisie van stadsraadslid vir Walvisbaai het beskikbaar geword ná mnr. Hafeni Ndemula bedank het om sy pligte as parlementslid na te kom.

Dít nadat hy tot nommer 35 op Swapo se Nasionale Vergadering-kandidatelys verkies is.

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...