Waterkrisis op Tses
Leerlinge dreig om stappe teen 'n nedersettingsraad te doen.
Catherine Sasman
Jong leerlinge van die Junior Sekondêre Skool St. Theresa het 'n optog na die kantore van Tses se nedersettingsraad gelei om hul misnoeë te kenne te gee oor streng waterbeperkings wat die afgelope twee weke by die skool se koshuis geld.
Sou die nedersettingsraad nie 'n oplossing vir die situasie en die waterkrisis vind nie, gaan die leerlinge by die kantoor van die ombudsman vir ingryping aanklop, sê hulle.
Die raad het opdrag gegee dat die koshuis sedert die skool op 13 Mei geopen het net van 08:00 tot 09:00 toegang tot water het.
Die kopsere met water het reeds in 2017 begin en verlede jaar het die ||Kharasstreek se direktoraat van onderwys 'n tenk van 10 000 liter aan die skool verskaf. Dié tenk is nou leeg.
Die leerlinge sê in hul petisie die nedersettingsraad het die tenk tot dusver nie weer volgemaak nie.
St. Theresa se skoolhoof, me. Pauline Kruse-Vries, sê die Rooms-Katolieke kerk op die dorp help die koshuis deur water uit hul private boorgat aan die koshuis te verskaf.
Die leerlinge sê in hul petisie hulle moet soggens, smiddae en saans water by die boorgat gaan haal.
“Ons gaan haal water om dit vir bad, skoonmaak, wasgoed en ook kosmaak te gebruik. Nie al die koshuisleerlinge het houers om water vir dié doeleindes te gaan haal nie,” lui die petisie.
Volgens die leerlinge is dit ook nie veilig om die koshuis vroeg soggens of saans te verlaat nie. Een van die leerlinge is glo ook beseer toe sy gaan water haal het. Die leerlinge sê die situasie by die koshuis raak al hoe meer onhigiënies en hou 'n gesondheidsrisiko in.
Die watertekort is ook deur die skool se bestuur en raad onder die loep geneem, maar tot dusver het die nedersettingsraad volgens die leerlinge nog nie aan enige besprekings deelgeneem nie.
“Ons is leerlinge en moenie ly weens 'n tekort aan watervoorsiening deur die nedersettingsraad nie. Ons kan nie voortgaan om skool by te woon as daar nie 'n doeltreffende oplossing vir die probleem is nie. Dit raak ons opvoeding en ons gesondheid,” lui die petisie.
Die nedersettingsraad kon nie vir kommentaar bereik word nie.
Jong leerlinge van die Junior Sekondêre Skool St. Theresa het 'n optog na die kantore van Tses se nedersettingsraad gelei om hul misnoeë te kenne te gee oor streng waterbeperkings wat die afgelope twee weke by die skool se koshuis geld.
Sou die nedersettingsraad nie 'n oplossing vir die situasie en die waterkrisis vind nie, gaan die leerlinge by die kantoor van die ombudsman vir ingryping aanklop, sê hulle.
Die raad het opdrag gegee dat die koshuis sedert die skool op 13 Mei geopen het net van 08:00 tot 09:00 toegang tot water het.
Die kopsere met water het reeds in 2017 begin en verlede jaar het die ||Kharasstreek se direktoraat van onderwys 'n tenk van 10 000 liter aan die skool verskaf. Dié tenk is nou leeg.
Die leerlinge sê in hul petisie die nedersettingsraad het die tenk tot dusver nie weer volgemaak nie.
St. Theresa se skoolhoof, me. Pauline Kruse-Vries, sê die Rooms-Katolieke kerk op die dorp help die koshuis deur water uit hul private boorgat aan die koshuis te verskaf.
Die leerlinge sê in hul petisie hulle moet soggens, smiddae en saans water by die boorgat gaan haal.
“Ons gaan haal water om dit vir bad, skoonmaak, wasgoed en ook kosmaak te gebruik. Nie al die koshuisleerlinge het houers om water vir dié doeleindes te gaan haal nie,” lui die petisie.
Volgens die leerlinge is dit ook nie veilig om die koshuis vroeg soggens of saans te verlaat nie. Een van die leerlinge is glo ook beseer toe sy gaan water haal het. Die leerlinge sê die situasie by die koshuis raak al hoe meer onhigiënies en hou 'n gesondheidsrisiko in.
Die watertekort is ook deur die skool se bestuur en raad onder die loep geneem, maar tot dusver het die nedersettingsraad volgens die leerlinge nog nie aan enige besprekings deelgeneem nie.
“Ons is leerlinge en moenie ly weens 'n tekort aan watervoorsiening deur die nedersettingsraad nie. Ons kan nie voortgaan om skool by te woon as daar nie 'n doeltreffende oplossing vir die probleem is nie. Dit raak ons opvoeding en ons gesondheid,” lui die petisie.
Die nedersettingsraad kon nie vir kommentaar bereik word nie.
Kommentaar
Republikein
Geen kommentaar is op hierdie artikel gelaat nie