Warriors wag in spanning op aankondiging

Sokker

13 January 2021 | Sport
Andrew Poolman – Die Namibiese Sokkervereniging hou asem op vir die ontvangs van die nuutste Covid-19-toetse vir die nasionale oefengroep – in die hoop om vanmiddag sy finale toerspan na Kame­roen aan te kondig.

Die Brave Warriors is bestem om môre die vliegtuig na Johannesburg en van daar na Kameroen te haal, waar die Afrika Nasieskampioenskap (CHAN) komende Saterdag begin.

Tien spelers in die nasionale groep het onlangs positief vir die coronavirus getoets, wat die normale voorbereiding en aankondiging van die toerspan 'n tyd lank in die wiele gery het.

“Geen van die tien spelers (asook een spanbeampte) wat positief getoets het, het simptone ondervind of siek geword nie. Die groep was in kwarantyn of selfisolasie en sommige van die betrokke spelers het intussen ook negatiewe uitslae teruggekry,” sê die spanbestuurder, mnr. Tim Isaacs.

Uit die huidige oefengroep van 33 spelers is die hoopvolle aanduiding dus dat almal se uitslag vandag as negatief ontvang sal word en dat afrigter Bobby Samaria dus sy volle groep sal hê om uit te kies.

“Vanweë Covid-19 mag elke deelnemende land 'n toergroep van 28 tot 30 spelers na Kameroen neem – eerder as die gebruiklike 23. Die afrigter sal sy diskresie kan gebruik, maar sê byvoorbeeld ons hoor (vandag) dat net 25 spelers negatief vir die virus toets, dan sal hulle ons toergroep uitmaak,” het Isaacs verduidelik.

Die Namibiërs is in groep D geplaas met sy groepwedstryde teen Zambië (komende Maandag), Guinee vier dae later en dan Tanzanië (27 Januarie). Die toptwee sal tot die halfeindronde deurdring.
[email protected]

Soortgelyk

 

Nege sterftes, 307 nuwe gevalle

11 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

12 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

17 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...