Wanbetalers wurg Eskom, skuld nou R38 mjd.
Francois Williams – Die kultuur van nie-betaling is meer kommerwekkend as die omvang van Eskom se skuld, het Jabu Mabuza, uitvoerende voorsitter, Dinsdag in die parlement gesê.
Eskom sukkel al hoe meer om skuld van munisipaliteite in te vorder. Sowat R38 miljard word nou aan Eskom geskuld, waarvan omtrent die helfte die skuld van munisipaliteite is. ’n Groot deel van die ander helfte is die skuld van Soweto, waar inwoners krag regstreeks van Eskom koop.
Mabuza het aan ’n gesamentlike vergadering van die Nasionale Vergadering en die Nasionale Raad van Provinsies se toedelingskomitees en die portefeuljekomitee oor openbare ondernemings gesê hy weet nie waar Suid-Afrika gaan eindig met dié kultuur van nie-betaling nie. Die tempo waarteen munisipale skuld terugbetaal word, neem in werklikheid af, het hy gewaarsku.
Eskom se eie skuld trek nou al byna by R450 miljard en hy moet geld leen om die rente daarop te betaal, wat onvolhoubaar is.
Sakemodel uitgedien
Mabuza het toegegee Eskom se huidige sakemodel is uitgedien. Hy het gemaan Eskom kan homself nie uit sy geldknyp spaar nie, al mik hy om oor die volgende drie boekjare R33 miljard uit sy kostestruktuur te verwyder.
“Dit gaan pynlik wees vir almal, van werknemers tot verskaffers, tot kragverbruikers tot die regering,” het hy gesê.
Eskom probeer die gebruik van sy dieselkragstasies afskaal. Hy het onlangs verneem sy dieselkragstasies gebruik 14 liter diesel per sekonde, het Mabuza vertel.
Tariefsensitief
Hoewel Eskom op lang termyn daarna mik om tariewe te kan vra wat sy werklike koste weerspieël, sê Mabuza groot kragverbruikers soos myne en smelters is baie sensitief vir selfs net ’n klein verhoging in tariewe. Dit is waarom van die myne al gesluit het. By smelters – waar krag tot soveel as 60% van hul koste uitmaak – het ’n klein verandering in die tarief ’n groot uitwerking.
Vandalisme
Eskom word gery deur vandalisme. Die afgelope week is kragpale by Roodepoort en Nigel sommer afgekap. Die transmissienetwerk het net soveel instandhouding nodig as die verouderende kragstasies, en dit kan tot ’n maand neem om kraglewering te herstel as transmissie-infrastruktuur vernietig word.
Natasha Mazzone, DA-woordvoerder oor openbare ondernemings, het gesê daar is talle internasionale kragmaatskappye wat gereed staan om aandele in Eskom te koop. Sy meen die regering moenie in politieke ideologie vaskyk as hy Eskom wil red nie. – Netwerk24
Eskom sukkel al hoe meer om skuld van munisipaliteite in te vorder. Sowat R38 miljard word nou aan Eskom geskuld, waarvan omtrent die helfte die skuld van munisipaliteite is. ’n Groot deel van die ander helfte is die skuld van Soweto, waar inwoners krag regstreeks van Eskom koop.
Mabuza het aan ’n gesamentlike vergadering van die Nasionale Vergadering en die Nasionale Raad van Provinsies se toedelingskomitees en die portefeuljekomitee oor openbare ondernemings gesê hy weet nie waar Suid-Afrika gaan eindig met dié kultuur van nie-betaling nie. Die tempo waarteen munisipale skuld terugbetaal word, neem in werklikheid af, het hy gewaarsku.
Eskom se eie skuld trek nou al byna by R450 miljard en hy moet geld leen om die rente daarop te betaal, wat onvolhoubaar is.
Sakemodel uitgedien
Mabuza het toegegee Eskom se huidige sakemodel is uitgedien. Hy het gemaan Eskom kan homself nie uit sy geldknyp spaar nie, al mik hy om oor die volgende drie boekjare R33 miljard uit sy kostestruktuur te verwyder.
“Dit gaan pynlik wees vir almal, van werknemers tot verskaffers, tot kragverbruikers tot die regering,” het hy gesê.
Eskom probeer die gebruik van sy dieselkragstasies afskaal. Hy het onlangs verneem sy dieselkragstasies gebruik 14 liter diesel per sekonde, het Mabuza vertel.
Tariefsensitief
Hoewel Eskom op lang termyn daarna mik om tariewe te kan vra wat sy werklike koste weerspieël, sê Mabuza groot kragverbruikers soos myne en smelters is baie sensitief vir selfs net ’n klein verhoging in tariewe. Dit is waarom van die myne al gesluit het. By smelters – waar krag tot soveel as 60% van hul koste uitmaak – het ’n klein verandering in die tarief ’n groot uitwerking.
Vandalisme
Eskom word gery deur vandalisme. Die afgelope week is kragpale by Roodepoort en Nigel sommer afgekap. Die transmissienetwerk het net soveel instandhouding nodig as die verouderende kragstasies, en dit kan tot ’n maand neem om kraglewering te herstel as transmissie-infrastruktuur vernietig word.
Natasha Mazzone, DA-woordvoerder oor openbare ondernemings, het gesê daar is talle internasionale kragmaatskappye wat gereed staan om aandele in Eskom te koop. Sy meen die regering moenie in politieke ideologie vaskyk as hy Eskom wil red nie. – Netwerk24
Kommentaar
Republikein
Geen kommentaar is op hierdie artikel gelaat nie