Wag vir vinniger grondontwikkeling

Nampab en nedersettingsraad nietig

12 October 2020 | Regering
Augetto Graig

Met die publikasie van die regering se kennisgewing nommer 222 en 223 in die staatskoerant van 3 September het die stedelike en streeksbeplanning wet nommer 5 van 2018 in werking getree.

Hierdie wet vervang die bemagtigende wetgewing waaronder die eertydse Namibiese beplanningsadviesraad (NAMPAB) en die nedersettingsraad hul magte oor grondbestuur en dorpsbeplanning uitgevoer het. Die twee rade word nou deur die nuwe stedelike en streeksbeplanningraad vervang.

Onlangs het die adjunkminister van stedelike en landelike ontwikkeling, mnr. Derek Klazen, gesê die vorige twee rade was verantwoordelik vir vertraging in die proklamasie van nuwe woonbuurte in Namibiese stede en dorpe.

Volgens hom het plaaslike owerhede gevolglik geworstel om die aanvraag na grond en behuising behoorlik te kan hanteer. Toe Klazen laas Maandag inwoners van informele nedersetting in Walvisbaai toegespreek het, het hy hulle verseker die nuwe wet sal die stedelike ontwikkelingsproses versnel.

Die minister van stedelike en landelike ontwikkeling, mnr. Erastus Uutoni, het egter Donderdag erken die nuwe raad is nog nie aangestel nie.

“Dit is waar dat vertraging nie ’n goeie ding sou wees nie. (Die aanstellingsproses) sal nie so lank duur nie. Ek dink dit sal redelik gou afgehandel wees. Ons werk daaraan.”

Uutoni erken dat konsultasies steeds met belanghebbers voortgaan en dat nodige inligting van betrokke instansies afgewag word.

Volgens die wet moet 15 lede van die nuwe raad aangestel word. Die lede sluit in ’n voorsitter (aangestel deur die minister), mnr. Ndilipunye Shanyengana as Landmeter-generaal, die aktesregistrateur mnr. Dana Beukes asook die omgewingskommissaris, mnr. Timoteus Mufeti.

Verder mag die minister een senior beampte afvaardig vanaf die Nasionale Beplanningskommissie (NPC); een vanaf sy eie ministerie met kennis van grondhervorming; een lid vanaf die grondhervorming adviserende kommissie; een lid vanaf die ministerie van werke en vervoer; een vanaf myne en energie en een senior staatsbeampte verantwoordelik vir waterkwessies.

Nog lede op die nuwe raad verteenwoordig die Namibiese raad vir stads- en dorpsbeplanners, die vereniging van plaaslike owerhede, die vereniging van streeksrade en ’n verteenwoordiger vir die raad van tradisionele leiers.

Die nuwe wet maak wel voorsiening vir die uitvoering van verskeie nuwe funksies deur bemagtigde plaaslike owerhede, waarvoor hulle onafhanklik van die raad sou kan optree. Dié oordrag van magte volg egter op die goedkeuring en bemagtiging van so ’n owerheid, gebaseer op toepaslike streek- en stadsplanne.

Die streek- en stadsplanne moet egter eers deur die minister goedgekeur word ná aanbeveling van die nuwe raad.

- [email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...