Vyf vas ná gewapende roof op Oranje

Vier gesinne se ekspedisie word ‘n nagmerrie

25 October 2021 | Misdaad
Ronelle Rademeyer – Wat vir vier families van Pretoria ’n onvergeetlike ekspedisie saam met hulle kinders op die Oranjerivier moes wees, het ’n nagmerrie geword toe agt tot tien gewapende mans uit die niet op hul kampeerplek toegeslaan en hulle beroof het.

Asof dit nie traumaties genoeg was om van sowat N$660 000 se kamptoerusting en al hulle persoonlike besittings beroof te word nie, is die groep daarna aangesê om in die nag kaalvoet en met net die klere aan hul lyf stroomaf te vaar. Die vrouens en kinders was in pajamas geklee.

Die groep het eers die volgende middag tweeuur nadat hulle ure aaneen in die bloedige son geroei het, die eindpunt van die

ekspedisie bereik.

Vyf mans, onder wie twee Angolese burgers, is in verband met dié gewapende roof, alternatiewelik die besit van gesteelde goedere, in hegtenis geneem, sê adj.komm. Chrispin Mubebo, die koördineerder van misdaadondersoeke in die ||Kharasstreek.

Hy het bevestig die voorval het op 5 Oktober omstreeks 18:30 tussen Chibela en Noordoewer plaasgevind.

Me. Sansu Engelbrecht het gister uit Pretoria gesê sy en haar man, Callie, het saam met mnr. Willie Mouton en sy vrou, Jantjie, asook twee ander egpare van Pretoria wat nie hul name genoem wil hê nie, die avontuurvaart vroeg in Oktober onderneem.

Die vier egpare en hul agt kinders was deur twee gidse van Umkulu Adventures, wat dié avontuurvaarte aanbied, vergesel.

Engelbrecht sê hulle is die dag voor die voorval sowat 65 km stroomop by Henkriesmond afgelaai.

“Die voorval het op dag 2 van die ekspedisie plaasgevind. Ons het die eerste dag ongeveer 35 km geroei tot waar ons beroof is nadat ons kamp opgeslaan het. Die volgende dag moes ons omtrent nog 30 km tot by veiligheid roei,” sê sy.

Die gidse het net klaar die groep se aandete voorberei en die vrouens en kinders (tussen 8 en 15 jaar oud), wat vroeër in die rivier gebad, het al pajamas aangetrek toe hulle oorval is.

“Die voorval het basies op niemandsland gebeur; ons het op ’n sandbank in die middel van die rivier gekamp. Daar was water aan weerskante van ons.

“Dit is bitter afgeleë daar. Daar was slegs ’n bokwagtershut ’n paar honderd meter daarvandaan,” vertel sy.

Engelbrecht sê die gewapende mans het vanaf die Namibiese oewer sowel as die Suid-Afrikaanse kant op hulle toegesak.

Sy sê hulle het meestal Engels gepraat, maar daar was van hulle wat Afrikaans verstaan en gepraat het.

“Al die mans was gewapens en het pistole, rewolwers, pangas en ’n Uzi-masjiengeweer gehad. Hulle het letterlik alles gesteel. Ons horlosies ook. Ons is daar weg met net ons pajamas aan ons lywe.”

Volgens haar was die mans “baie agressief” en het twee keer na hulle as “f****n wit mense” verwys.

Die rowers het die groep opdrag gegee om in die rubberbote te klim en stroomaf te roei.

Hulle het ’n ent verder nat en koud aan wal gegaan en kon daarin slaag om ’n vuur aan die gang te kry.

Een van die gidse, wie se selfoon nie gesteel is nie, het later die nag alleen vooruit na Vioolsdrift geroei. Die res van die groep het met sonsopkoms gevolg.

Volgens Mubebo het die vyf mans op 10 Oktober op klagte van gewapende roof in die hof verskyn. Hulle is mnre. Naftali Shikwa (29), Ndeshimona Nghifikepunye (21), Sheya Amubonya (18), Alfred Louw (42) en Otto Ndimufitu (35).

Nghifikepunye en Amubonya is Angolese burgers, sê hy. Volgens hom is van die gesteelde goedere in eersgenoemde en in Louw se besit gevind.

Die mans, wat in aanhouding is, moet weer op 12 November in die landdroshof op Noordoewer verskyn.
[email protected]



FOTO’s
Mnr. Callie Engelbrecht en sy vro, Sansu.
Die Mouton-egpaar, Willie en Jantjie.

Soortgelyk

 

Stop digitale geweld teen vroue

1 uur gelede | Misdaad

Jaarliks val die fokus op 25 November tydens die Internasionale Dag om Geweld teen Vroue en Meisies te Stop op die stygende aantal gevalle van...

NSFAF terug op tapyt

11 ure gelede | Ministeries

Augetto GraigDie Finansiële Hulpfonds vir Namibiese Studente (NSFAF) moet vanoggend opnuut voor die parlementêre staande komitee oor openbare rekeninge verskyn om antwoorde te verskaf hoe...

Weesrenosterkalf oorleef ’n maand in bos

11 ure gelede | Omgewing

Tanja BauseMwezi, die klein swartrenosterkalf wie se ma deur stropers doodgeskiet is, kan al self staan. Die kalfie is sowat ’n week gelede om twaalfuur...

Weer vir 25 November 2021

11 ure gelede | Weer

WEERWAAK: Sterk westewinde kan vandag en môre oor die binneland waai.BINNELAND: Gedeeltelik bewolk en warm tot baie warm in die suide en ooste met enkele...

Shortie en die pienk padstal

11 ure gelede | Gemeenskap

Tanja BauseBy die kruising van die B8-pad van Grootfontein en die C44-pad na Tsumkwe is ‘n helder pienk padstal onder ’n paar bome geparkeer. Die...

Verbyganger ontdek liggaam in rivier

11 ure gelede | Misdaad

Tanja Bause’n Verbyganger het Dinsdag omstreeks 11:00 die oorskot van ’n man in die Arebbuschrivier tussen Grysblock en Luxury Hill in Katutura gevind.“Ek gaan kuier...

Eros se Kersmark bied iets vir almal

11 ure gelede | Gebeure

Die jaarlikse Kersmark van die NG kerk se Eros-gemeente het Dinsdag begin en bied oudergewoonte 'n groot verskeidenheid Kerskoekies en ander gebak, ingelegde produkte, handwerkitems,...

Hulp vir Gibeon se kwesbares

11 ure gelede | Maatskaplik

Die Duitse ambassade ondersteun die Nama Genocide 1904-1908 Development Trust met die verspreiding van kospakkies op Gibeon in die Hardapstreek.Hulle is ook besig om ’n...

Hoop vir Hardap

11 ure gelede | Gemeenskap

Ronelle Rademeyer‘n Liefdadigheidsprojek wat ontstaan het om ontredderde vroue en kinders in landelike gebiede in die Hardapstreek tydens die Covid-grendeltyd in 2020 te versorg, het...