Vyf mans met twee beeskarkasse vas
Vyf mans is Vrydagoggend op Karibib in verband met veediefstal in hegtenis geneem.
Volgens die polisie is hul voertuig met registrasiemerk N99WB by OK Foods opgemerk en die polisie het die verdagte voertuig deursoek. Twee beeskarkasse, 'n ongelisensieerde .303-geweer, 'n magasyn met vyf patrone, messe en bebloede klere is gevind, asook vyf pare skoene met bloedspatsels op.
Die vyf verdagtes (48, 37, 36, 33 en 30 jaar oud) is in hegtenis geneem.
Die polisie doen 'n beroep op boere, veral in die Hochfeldgebied, om inspeksies van hul veekuddes te doen. Die karkasse wat sonder koppe of velle gevind is, is vermoedelik Brahman-beeste.
Enigiemand wat hul beeste vermis of kan help met die ondersoek, kontak vir speurinspekteur Jeffrey Urib by 081 439 2687.
Foto verskaf
Volgens die polisie is hul voertuig met registrasiemerk N99WB by OK Foods opgemerk en die polisie het die verdagte voertuig deursoek. Twee beeskarkasse, 'n ongelisensieerde .303-geweer, 'n magasyn met vyf patrone, messe en bebloede klere is gevind, asook vyf pare skoene met bloedspatsels op.
Die vyf verdagtes (48, 37, 36, 33 en 30 jaar oud) is in hegtenis geneem.
Die polisie doen 'n beroep op boere, veral in die Hochfeldgebied, om inspeksies van hul veekuddes te doen. Die karkasse wat sonder koppe of velle gevind is, is vermoedelik Brahman-beeste.
Enigiemand wat hul beeste vermis of kan help met die ondersoek, kontak vir speurinspekteur Jeffrey Urib by 081 439 2687.
Foto verskaf
Kommentaar
Republikein
Geen kommentaar is op hierdie artikel gelaat nie