VSA skenk voertuie teen wildmisdaad

14 October 2019 | Omgewing
Die Amerikaanse ambassadeur in Namibië, me. Lisa Johnson, het twee Toyota Land Cruisers oorhandig aan ’n projek om wildsmokkelary te voorkom.

Die projek word volgens ’n mediaverklaring van die Amerikaanse ambassade deur die Namibia Nature Foundation (NNF) bestuur. Een voertuig sal deur NNF in die Windhoek-gebied gebruik word en die ander deur die ministerie van die omgewing en toerisme in die Kunenestreek.

Die projek is die derde in ’n reeks van drie projekte wat die Amerikaanse departement se Buro van Internasionale Narkotika en Wetstoepassingsake (INL) finansier. Die doel is om stropery en smokkelary van bedreigde diere te verminder.

Dit poog ook om Namibië se strafregtelike regsinstellings te versterk om wetstoepassing, ondersoeke en vervolging van wildmisdaad suksesvol uit te voer.

Die projek ondersteun die ministerie van die omgewing en toerisme en die Namibiese polisie direk om wildstropery op voetsoolvlak te takel.

Die ministerie van justisie, die aanklaer-generaal se kantoor en die ministerie van finansies is ander belangrike vennote in die stryd teen wildmisdaad.

Die voertuie sal gebruik word om projekspanne se mobiliteit in die Noordweste te verbeter, asook van dié projekbestuurseenheid.

“Die stryd teen wildsmokkelary vereis ’n vennootskap tussen organisasies soos die NNF, regerings en gemeenskappe om saam te werk om Namibië se mees bedreigde spesies te bewaar,” sê Johson.

Die uitvoerende direkteur van die NNF, mnr. Angus Middleton, sê deur steun aan verskeie Namibiese staatsinstellings en vennote in die veld het voorvalle van renosterstropery gedaal en inhegtenisnemings gestyg.

“Dit is nie net nasionaal van belang vir wildlewe en toerisme nie, maar ook omdat misdaadsindikate nie slegs wild teiken nie, maar betrokke is by ander misdaad soos dwelmsmokkelary en mensehandel,” sê hy.

Middleton sê die skenking beklemtoon die behoefte aan internasionale samewerking om wildmisdaad te bekamp en om dié erfenis wêreldwyd te bewaar.

Soortgelyk

 

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

9 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...