VSA mik weer na die maan en dan na Mars
Amerika mik na die sterre en sy vertrekpunt is die maan en Mars.
Pres. Donald Trump van Amerika het Maandag, by die 45ste herdenking van Nasa se laaste Apollo-sending na die maan, gesê dit is tyd om die Amerikaanse ruimteprogram weer op koers te bring.
“Amerika gaan oor groot drome droom en dit is presies wat ons besig is om te doen,” sê Trump.
“Ons gaan Amerika se leiersrol in die ruimte in ere herstel. Hierdie keer gaan ons nie net ons voetspore op die maan los of ons vlag daar plant nie, maar die program sal ook as 'n platform na Mars en moontlik baie ander wêrelde dien.”
Trump het Maandag 'n beleid onderteken wat behels dat Nasa se hulpbronne en aandag voortaan op die maan en Mars herfokus sal word. Geen mens was sedert die laaste Apollo-sending in 1972 weer op die maan nie.
Die ruimtevaarders Christine Coke en Peggy Whitson, wat 665 dae in die ruimte deurgebring het, was teenwoordig by Trump se aankondiging.
“Sy (Peggy) het meer tyd as enige Amerikaner of vrou in die geskiedenis in die ruimte deurgebring en ons beloof vandag sy sal nie die laaste wees nie,” sê Trump.
“Vandag is die belangrikste stap vir die ruimteprogram sedert Amerikaanse ruimtevaarders laas in 1972 hul voete op die maan gesit het.
“Dit dui op die pioniersgees wat die VSA nog altyd gekenmerk het en ons is besig om weer 'n leiersrol op verskeie gebiede te begin speel.
“Hierdie selfde pioniersgees roep ons nou na nuwe ontdekkingsreise terwyl ons na die pragtige sterre kyk en droom oor al die moontlikhede.”
Volgens Trump gaan die beleid nie net daaroor om die VSA se trots en regmatige plek in die ruimte te herstel nie, maar het dit ook militêre implikasies en die potensiaal om werk te skep. Deur hierdie beleid te onderteken verseker pres. Trump dat die VSA weer 'n oorheersende posisie in die ruimte sal hê.
Mike Pence
Visepres. Mike Pence het in sy hoedanigheid as voorsitter van die nasionale ruimteraad gesê Trump se optrede sal help om die horisonne van menslike kennis te verbreed.
“Deur hierdie beleid te onderteken verseker pres. Trump dat die VSA weer 'n oorheersende posisie in die ruimte sal hê,” sê Pence. Volgens hom het die raad in Oktober eenparig besluit om voor te stel dat die VSA terugkeer maan toe, en van daar na Mars gaan.
Trump se ondertekening van die dokument maak dié oogmerk nou amptelik Amerikaanse beleid. Pence sê die stap is ook belangrik om “strategiese nasionale doelwitte” te bereik, die VSA se veiligheid te verseker en innovasie aan te spoor.
Dit verseker dat ruimteverkenning “generasies lank” deur Amerikaanse reëls en waardes gedryf sal word. Die VSA is gereed om die pas na Mars en ander planete aan te gee, sê Pence. – Netwerk24
“Amerika gaan oor groot drome droom en dit is presies wat ons besig is om te doen,” sê Trump.
“Ons gaan Amerika se leiersrol in die ruimte in ere herstel. Hierdie keer gaan ons nie net ons voetspore op die maan los of ons vlag daar plant nie, maar die program sal ook as 'n platform na Mars en moontlik baie ander wêrelde dien.”
Trump het Maandag 'n beleid onderteken wat behels dat Nasa se hulpbronne en aandag voortaan op die maan en Mars herfokus sal word. Geen mens was sedert die laaste Apollo-sending in 1972 weer op die maan nie.
Die ruimtevaarders Christine Coke en Peggy Whitson, wat 665 dae in die ruimte deurgebring het, was teenwoordig by Trump se aankondiging.
“Sy (Peggy) het meer tyd as enige Amerikaner of vrou in die geskiedenis in die ruimte deurgebring en ons beloof vandag sy sal nie die laaste wees nie,” sê Trump.
“Vandag is die belangrikste stap vir die ruimteprogram sedert Amerikaanse ruimtevaarders laas in 1972 hul voete op die maan gesit het.
“Dit dui op die pioniersgees wat die VSA nog altyd gekenmerk het en ons is besig om weer 'n leiersrol op verskeie gebiede te begin speel.
“Hierdie selfde pioniersgees roep ons nou na nuwe ontdekkingsreise terwyl ons na die pragtige sterre kyk en droom oor al die moontlikhede.”
Volgens Trump gaan die beleid nie net daaroor om die VSA se trots en regmatige plek in die ruimte te herstel nie, maar het dit ook militêre implikasies en die potensiaal om werk te skep. Deur hierdie beleid te onderteken verseker pres. Trump dat die VSA weer 'n oorheersende posisie in die ruimte sal hê.
Mike Pence
Visepres. Mike Pence het in sy hoedanigheid as voorsitter van die nasionale ruimteraad gesê Trump se optrede sal help om die horisonne van menslike kennis te verbreed.
“Deur hierdie beleid te onderteken verseker pres. Trump dat die VSA weer 'n oorheersende posisie in die ruimte sal hê,” sê Pence. Volgens hom het die raad in Oktober eenparig besluit om voor te stel dat die VSA terugkeer maan toe, en van daar na Mars gaan.
Trump se ondertekening van die dokument maak dié oogmerk nou amptelik Amerikaanse beleid. Pence sê die stap is ook belangrik om “strategiese nasionale doelwitte” te bereik, die VSA se veiligheid te verseker en innovasie aan te spoor.
Dit verseker dat ruimteverkenning “generasies lank” deur Amerikaanse reëls en waardes gedryf sal word. Die VSA is gereed om die pas na Mars en ander planete aan te gee, sê Pence. – Netwerk24
Kommentaar
Republikein
Geen kommentaar is op hierdie artikel gelaat nie