Vroue in donkernag tuis aangeval

Gewapende roof vier hoogty

10 February 2021 | Misdaad
Drie verdagtes het Saterdag omstreeks 02:00 glo die ketting van 'n sinkhuis langs Monte Christostraat in Havana gebreek en toegang tot die huis verkry waarin 'n 35-jarige vrou geslaap het. Een van die verdagtes het 'n pistool gehad en die ander een 'n panga. Die vrou se arm is oopgesny toe sy haarself probeer verdedig het.

Een van die verdagte het 'n skoot afgevuur om haar bang te maak.

Hulle het 'n selfoon, drie pakkies macaroni, N$70 kontant, een ketel en ses pakkies aanmaakkoeldrank met 'n gesamentlike waarde van N$1 660 gesteel. Na bewering het die twee verdagtes sekuriteitsuniforms aangehad. Niemand is tot dusver in hegtenis geneem nie.

In nog 'n voorval langs Monte Christostraat het twee verdagtes Saterdag omstreeks 04:25 glo die ketting van 'n sinkhuis gebreek en toegang tot 'n 27-jarige vrou se huis verkry. Een van die mans het 'n pistool gehad en die ander een 'n ysterpaal.

Toe die vrou skree, het hulle twee skote afgevuur.

Die mans het N$1 000 kontant, kleingeld en een selfoon ter waarde van N$4 700 gesteel. Niemand is nog in hegtenis geneem nie.

Twee verdagtes het Vrydag omstreeks 14:00 na bewering 'n 21-jarige man voor Ackermans op Outjo met messe gedreig en N$800 kontant gesteel. Die verdagtes is nog nie in hegtenis geneem nie.

Ses mans het Saterdag omstreeks 12:50 in Ongha op die teerpad tussen Ondangwa en Oshikango 'n sedanvoertuig omsingel nadat die bestuurder vir sy passasiers gestop het.

Die mans wat met messe en pangas gewapen was, het die twee passasiers van N$10 600 kontant en drie selfone beroof. Een passasier was 'n 56-jarige man wat glo vroeër by Bank Windhoek se Ondangwa-tak N$10 000 kontant onttrek het. Niemand is tot dusver in hegtenis geneem nie.

Na bewering is 'n 50-jarige Chinese burger Vrydag omstreeks 14:50 by die Sky-winkel in Ongwediva beroof. Hy was besig om produkte af te laai toe drie mans – gewapen met messe – hom aangeval het.

Hulle het die band van sy voertuig stukkend gesteek en met die voertuigsleutels van 'n BMW en 'n Toyota op die vlug geslaan. Die waarde van die sleutels en die band is N$15 000. Niemand is in hegtenis geneem nie.

Vrydag omstreeks 09:00 het 'n 37-jarige man glo nege bokke uit 'n kraal op die plaas Harambe in die Tare-nedersetting in die Kavango-Wesstreek gesteel.

Hy het die bokke na sy huis geneem waar hy in hegtenis geneem is.

Tydens sy inhegtenisname het die polisie hom deursoek en op twee balies dagga afgekom. Die nege bokke ter waarde van N$10 660 is teruggevind.

Soortgelyk

 

Vrou woon in haar motor by hospitaal

7 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

7 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

7 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

7 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

7 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

7 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

7 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

7 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

7 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...