Vrou vas wat glo verkeersman k-woord toesnou

07 October 2019 | Afrika
’n Vrou is in Somerset-Wes in die Wes-Kaap aangekeer nadat sy glo ’n verkeersbeampte die k-woord toegesnou het.

Kenny Africa, provinsiale verkeershoof, het die voorval bevestig.

“ ’n Vrou het een van my beamptes die k-woord genoem,” sê hy.

Africa kon nie meer besonderhede oor die voorval gee nie aangesien die saak nog in die hof moet draai. Die vrou word deur ’n klag van crimen injuria in die gesig gestaar.

Dit is maar die jongste in ’n reeks voorvalle waar die omstrede woord gebruik is.

Adam Catzavelos het in Augustus ’n ooreenkoms met die menseregtekommissie bereik nadat ’n video van hom wat die woord op ’n Griekse strand gebruik vroeër soos ’n veldbrand versprei het. Hy het ingestem om R150 000 oor 30 maande te betaal en om om verskoning te vra vir sy uitsprake.

Hy staan steeds tereg op ’n strafregtelike saak van crimen injuria.

Vicki Momberg is skuldig bevind aan vier aanklagte van crimen injuria nadat sy ’n swart polisieman 48 keer die k-woord genoem het nadat hy haar ná ’n grypdiefvoorval in 2016 wou bystaan.

Sy is in Maart 2018 tot twee jaar tronkstraf gevonnis.

Intussen het Wes-Kaapse verkeersbeamptes Saterdag bykans 1 500 motors van die pad getrek en ondersoek.

Ses mense is vir dronkbestuur aangekeer met een persoon van Vredenburg wat drie keer oor die wettige perk was.

Twee persone is by onderskeidelik Mosselbaai en Grabouw vir roekelose bestuur aangekeer. Nóg ’n bestuurder is by Mosselbaai vir die besit van dwelms aangekeer.

Vier dronk voetgangers is ook in Oudtshoorn aangekeer. – News24/Netwerk24

Soortgelyk

 

Nuwe Psemas-kontrak (weer) uitgestel

47 minute gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

47 minute gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

47 minute gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

47 minute gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

47 minute gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

47 minute gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

47 minute gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...

Houthandel: Bewerings van vuilspel

47 minute gelede | Omgewing

Catherine Sasman – Die ministerie van landbou, water en bosbou het onlangs erken gevalle van onwettige houtoeste het wel plaasgevind sedert ’n moratorium op oeste...

Lesersfoto's 26 Februarie 2020

47 minute gelede | Lesersfoto's

Lesersfoto's 26 Februarie 2020