Vrou toets positief vir Omicron in Tseggiese Republiek ná besoek aan Namibië

'n Finale ontleding by 'n hospitaal in die stad Liberec in die Tseggiese Republiek het getoon 'n 60-jarige vrou wat teruggekeer het van 'n reis na Namibië het positief vir Omicron getoets. Tseggiese televisie sê die vrou het tien dae gelede deur Suid-Afrika en Dubai van Namibië teruggekeer. Volgens plaaslike media in die land is die vrou tans geïsoleer saam met agt ander mense wat deel van dieselfde toergroep was en wat haar familielede insluit. Kontakte van elkeen word nou nagespoor en ondersoek.