Vrou se baarmoeder ‘onregmatig’ verwyder

10 June 2021 | Gesondheid
Henriette Lamprecht – Die ministerie van gesondheid en maatskaplike dienste staan opnuut in die beskuldigdebank met nog ’n skadevergoedingseis, nadat ’n vrou se baarmoeder glo sonder haar toestemming verwyder is.

Amalia Festus van Okuryangava in Windhoek eis N$3,8 miljoen van die ministerie.

Festus sê in haar pleitverduideliking sy het op 12 Desember 2017, terwyl sy sewe maande swanger was, die Katutura-hospitaal in Windhoek besoek omdat sy rug- en maagpyn gehad het. ’n Verpleegster het haar ondersoek en bevind dat sy sowat 8 tot 9 cm ontsluit was.

Festus is in die hospitaal opgeneem en deur mediese personeel ingelig dat sy ’n noodkeisersnee moet ondergaan. Ná afloop van die operasie is sy volgens haar nie ingelig dat daar enige mediese komplikasies tydens of ná die operasie was nie. Festus het vier dae in die hospitaal deurgebring, waar sy “pille” gegee is om te drink.

Op 16 Desember is sy ontslaan en volgens haar pleitverduideliking het sy die volgende dag erge maag- en nekpyn ervaar en ook gebraak. Sy is gevolglik na die Windhoek Sentrale Hospitaal, waar sy opgeneem is om deur ’n dokter ondersoek te word.

Sy is vir vyf dae op antibiotika geplaas, omdat sy volgens die dokter ’n infeksie gehad het, maar haar liggaam het nie hierop reageer nie. Volgens Festus is die aard van die infeksie en die mediese behandeling glo nooit met haar bespreek nie. Sy is vervolgens ingelig dat sy ’n operasie moet ondergaan om haar toestand te evalueer.

Volgens Festus is sy ná die operasie deur personeel ingelig haar baarmoeder was “vrot” en dat dit verwyder moes word. Festus sê dit is gedoen sonder dat haar of haar familie se toestemming gevra is. Die noodsaaklikheid van die prosedure is ook nie aan hulle verduidelik nie.

Festus het gevolglik al haar mediese rekords tydens haar verblyf in die hospitaal versoek, maar daar is glo aan haar gesê “dit kan nie opgespoor word nie”.

Sy het ook ná die operasie “verskriklike pyn” verduur en kan weens die prosedure nie meer kinders hê nie.

Festus eis vermoënskade (patrimonial damages) van N$100 000, N$750 000 vir emosionele en sielkundige skok en trauma, N$750 000 vir ongerief en ongemak, N$750 000 vir pyn en lyding asook N$1,5 miljoen vir fisieke beserings.

[email protected]

Soortgelyk

 

27 sterftes, 1 649 nuwe gevalle

19 ure gelede | Gesondheid

Die sterftesyfer skiet met nog 27 - nege in Rehoboth, agt in Windhoek, drie in Keetmanshoop, twee in Walvisbaai en een elk in onderskeidelik Karasburg,...

Mental well-being suits us all

2 dae gelede | Mense

DR JOHN STEYTLERMental health is a subject which we are only starting to scratch the surface of in Namibia and it is not talked about...

Diva of finesse and fitness

2 dae gelede | Mense

Jeanette DiergaardtLiezel Ndjaronguru, a 32-year-old businesswoman, allows fitness enthusiasts to bring their best attitude to the table when working out. In 2013 the owner of...

Bonifatius Kantori Paulino is the Managing Director at Alexander...

2 dae gelede | Mense

Wetumwene Shikage Since Paulino joined Alexander Forbes, he spent some time to familiarise himself with the areas of responsibility of the position of...

Streng vereistes vir gebruik van blitstoetse

2 dae gelede | Gesondheid

Henriette Lamprecht – Die Namibiese Medisynebeheerraad (NMRC) het opgedateerde regulasievereistes vir die verkoop, verspreiding en gebruik van antigen-blitstoetse vrygestel.Die NMRC sê antigeen diagnostiese blitstoetse (Ag-RDT’s)...

Sterftes neem sesvoudig toe

2 dae gelede | Gesondheid

Henriette Lamprecht – Die Covid-sterftes vir Namibië het bykans sesvoudig die afgelope ses maande toegeneem – vanaf 16 sterftes per week in Desember verlede jaar...

'Woestynpsalm' nou in pylvak

2 dae gelede | Byvoegsels

Bosman Films, 'n jong produksiemaatskappy in die Namibiese filmbedryf, het opgewonde aangekondig dat produksie vir hulle eerste film, Woestynpsalm, onlangs afgehandel is. Woestynpsalm is 'n...

High-flyer Samantha Geyser soared to customer service executive at...

2 dae gelede | Mense

Staff reporterSamantha Geyser dreamed of becoming a pilot when she was a young girl. She admired Amelia Earhart for her achievement of being the first...

Gweri Vintage Collection – the brand that keeps on...

2 dae gelede | Mense

Zulu Boy sets the trend for creativity Created by Namibians for international consumption The Gweri Vintage Collection is a brand focused on providing exclusive and...