Vrou aan stuur van suksesvolle visbewaring in Kaza

Herstel visgetalle, voorkom stroping

24 December 2019 | Omgewing
Elvira Hattingh - Aan die stuur van die Kavango-Zambezi-oorgrensbewaringsgebied (Kaza) se suksesverhaal in die bewaring van varswatervis staan ‘n vrou, me. Salvation Matengu Ntelamo.

Sy is die projekkoördineerder by Namibia Nature Foundation (NNF) en aan die hoof van die projek waarin gemeenskappe hul vir die bewaring van visserybronne in die Kaza-gebied beywer - ‘n projek wat bewys is om visgetalle in die gebied se riviere te herstel en onwettige hengelary te voorkom.

Boonop sal ‘n verdere vyf nuwe vaswatervisreservate binne die Lusese- en Nakabolelwa-bewaringsgebiede na verwagting binnekort afgekondig word.

Ntelamo sê daar bestaan reeds twee varswater-visreservate - die Kalimbeza-kanaal in die Sikunga-bewaringsgebied, asook die Kasaya-kanaal in die Impalila-bewaringsgebied. As deel van die projek is dié reservate reeds in 2015 deur die ministerie van visserye en mariene hulpbronne met die steun van die NNF en die Europese Unie gestig.

Kaza se bronne van varswatervis is onder druk as gevolg van ‘n groeiende mensbevolking in die gebied asook die kommersialisering van dié bron. Dit het die afgelope jare tot ‘n sterk afname in visgetalle gelei en die beskikbaarheid daarvan vir huishoudelike verbruik is erg beperk.

Daarom is visreservate gestig wat aan gemeenskappe regte en beheer oor die varswatervis binne beskermde gebiede gee.

Ntelamo, wat in dié gebied grootgeword het, tree op as ‘n skakel tussen die gemeenskap, viswagte en die ministerie. Sy help gemeenskappe om komitees te stig sodat visreservate gestig kan word en bied leiding oor hoe visgetalle en vismarkte gemonitor kan word.

“Gemeenskappe trek voordeel daaruit om meer vis vir eie gebruik beskikbaar te hê. Toeriste besoek gebiede soos Impalila om tiervis te vang, wat beteken plaaslike gemeenskappe verdien ook ‘n inkomste hieruit,” het sy gesê.

Ntelamo doen ‘n beroep op gemeenskappe en hul vennote om betrokke by die projek te raak en sodoende wildmisdaad te bestry.

- [email protected]

Soortgelyk

 

Geen water, krag by 15 skole

5 ure gelede | Onderwys

Henriette Lamprecht - Vyftien skole in Windhoek se water en ligte is weens agterstallige betalings deur die Windhoekse munisipaliteit afgesny. Die skuld wat reeds meer...

Droogte spook by akkerbou

5 ure gelede |

Elvira Hattingh - Verwagtinge vir vanjaar se nasionale witmielieoes is van meet af aan kleiner – hoofsaaklik weens verlede jaar se droogteramp. Dit omdat Hardap-akkerbouers...

Corona: Geen beperkings op handel

5 ure gelede | Gesondheid

Henriette Lamprecht – Teen die einde van dié week sal 20 lande in Afrika, insluitende Namibië, plaaslik toetse vir die coronavirussiekte (covid-19) kan doen. Volgens...

Weer vir 13 Februarie 2020

5 ure gelede | Weer

WEERWAAK: Wydpverspreide donderbuie sal in die Suide voortduur.BINNELAND: Sonnig en baie warm in die Weste. Elders sal dit gedeeltelik bewolk en baie tot bloeidg warm...

Geldnood kniehalter regbank

5 ure gelede | Ministeries

Denver Kisting – Die al groter wordende geldnood in die land lê sommige funksies van die regbank lam.Gevolglik kon streekhowe verlede jaar net 20% van...

Fishrot: Namibië wil weet

5 ure gelede | Regering

Augetto Graig - Die tiende sessie van Namibië se sesde parlement het Dinsdag afgeskop en verskeie vrae oor die internasionale Fishrot-korrupsieskandaal opgelewer.Die land se sewende...

Henties bespreek beweerde rassevoorvalle

5 ure gelede | Gemeenskap

Yandi du Plessis - Hentiesbaai se toerismevereniging het onlangs met die burgemeester en waarnemende hoof van die Hentiesbaai-munisipaliteit, mnr. Herman /Honeb, vergader om voorvalle van...

Twee mans verkrag 15-jarige glo

5 ure gelede | Misdaad

Twee mans het Sondag ’n 15-jarige meisie op Maltahöhe na bewering verkrag. Volgens die Namibiese polisie se weeklikse misdaadverslag het die voorval tussen...

Opnuut spanning by August 26

5 ure gelede | Ministeries

Yandi du Plessis - Die Namibiese Voedsel en ­Verwante Werkersunie (Nafau) het Vrydag namens werknemers van August 26, 'n tekstielonderneming wat aan die Namibiese weermag...