Vorms vir pro rata-viskwotastelsel uitgereik
Otis Finck op Walvisbaai - Die minister van visserye en mariene hulpbronne, mnr. Bernard Esau, het Namibië se 358 konsessiehouers aangemoedig om die voltooiing van vorms vir die pro rata-viskwotastelsel ernstig op te neem.
Die vorms is verlede week elektronies uitgereik en Esau het gesê hy wil hê die stelsel moet binne twee maande geïmplementeer en operasioneel wees.
Hy het gewaarsku dat diegene wat verkeerde inligting verskaf of noodsaaklike inligting uitlaat, straf kan verwag wat wissel van die verlies van ’n porsie van hul kwota of die volledige afkeuring van kwotas in die volgende seisoen.
Hy het dié stelling Donderdag op Walvisbaai gemaak tydens die bekendstelling van die vorms vir die pro rata-stelsel.
“Die prosesse waarby ons betrokke is, is daarop gemik om die bestaande stelsel te verbeter om dit meer deursigtig en voorspelbaar te maak. Alle konsessiehouers se data moet voor of op 30 September die ministerie bereik sodat ons genoeg tyd het om dit te verwerk voor die nuwe seisoen begin.
“Data wat deur middel van die nuwe vorms ingesamel word, kan en sál gebruik word om as basis te dien vir die toekenning van kwotas in die volgende visseisoen,” het hy gesê.
Die minister het voorts gesê dit is vir sy ministerie belangriker om meer tyd te bestee aan die evaluering van prestasies en toekenning van kwotas aan konsessiehouers as om te verifieer of inligting wat deur konsessiehouers ontvang is, eerlik en volledig is.
“Verifiëring verg baie tyd, veral in die lig dat ons 358 konsessiehouers het wat elkeen baie data en lêers het waardeur ons moet sif. Ons hoop is om deursigtigheid en aanspreeklikheid in die toekenning van viskwotas te verbeter; dit verg egter ’n groot mate van eerlikheid van almal, veral in terme van die data wat deur konsessiehouers voorsien word.”
Die bepaling van agt evalueringsfaktore en gewigte vir kwotatoekenning, sluit in of die aansoeker ’n Namibiese burger is en tot watter mate sy/haar maatskappy tot voordeel van Namibiërs is. Nog ’n vereistes is dat die eienaarskap van enige vaartuig wat deur die aansoeker gebruik word, oor wettige en geldige permitte moet beskik om eienaarskap te bevestig. Die aansoeker sal ook punte toegeken word vir sy/haar vermoë om die konsessie op ’n bevredigende wyse uit te oefen, en die bevordering van mense in Namibië wat in die verlede op maatskaplike, ekonomiese of opvoedkundige vlak teen gediskrimineer is, sal ook in ag geneem word.
Esau het aangekondig dat hy die moontlikheid oorweeg om die versamelde data binne verskillende afdelings van sy ministerie te verdeel, aangesien hierdie inligting nie vertroulik van aard is nie. Só kan konsessiehouers vir seker weet dat diegene wat hoër punte toegeken word en dus meer kwotas ontvang, wel dié hoeveelhede verdien.
Esau het konsessiehouers ingelig dat die toekenning van gewigte aan elkeen van die agt vereistes en die publikasie van die nuwe pro rata-stelsel in die Staatskoerant, die enigste twee stappe is wat nodig is om die proses te voltooi.
“Die toekenning van gewigte vir die vereistes soos uitgestippel is nie ’n tegniese proses nie, maar ’n beleidsaak. Ek sal ’n besluit oor hierdie kwessie neem in oorleg met die regering en die industrie mettertyd inlig. Die publikasie daarvan in die Staatskoerant sal direk daarna volg.”
Die ministerie en die bedryf het op 6 Maart vanjaar toe die hersiening van die pro rata-stelsel vir kwotatoekennings bekend gestel is, onderneem om die bestaande stelsel meer deursigtig en aanspreeklik te maak, gegrond op die prestasies van individuele konsessiehouers.
Die vorms is verlede week elektronies uitgereik en Esau het gesê hy wil hê die stelsel moet binne twee maande geïmplementeer en operasioneel wees.
Hy het gewaarsku dat diegene wat verkeerde inligting verskaf of noodsaaklike inligting uitlaat, straf kan verwag wat wissel van die verlies van ’n porsie van hul kwota of die volledige afkeuring van kwotas in die volgende seisoen.
Hy het dié stelling Donderdag op Walvisbaai gemaak tydens die bekendstelling van die vorms vir die pro rata-stelsel.
“Die prosesse waarby ons betrokke is, is daarop gemik om die bestaande stelsel te verbeter om dit meer deursigtig en voorspelbaar te maak. Alle konsessiehouers se data moet voor of op 30 September die ministerie bereik sodat ons genoeg tyd het om dit te verwerk voor die nuwe seisoen begin.
“Data wat deur middel van die nuwe vorms ingesamel word, kan en sál gebruik word om as basis te dien vir die toekenning van kwotas in die volgende visseisoen,” het hy gesê.
Die minister het voorts gesê dit is vir sy ministerie belangriker om meer tyd te bestee aan die evaluering van prestasies en toekenning van kwotas aan konsessiehouers as om te verifieer of inligting wat deur konsessiehouers ontvang is, eerlik en volledig is.
“Verifiëring verg baie tyd, veral in die lig dat ons 358 konsessiehouers het wat elkeen baie data en lêers het waardeur ons moet sif. Ons hoop is om deursigtigheid en aanspreeklikheid in die toekenning van viskwotas te verbeter; dit verg egter ’n groot mate van eerlikheid van almal, veral in terme van die data wat deur konsessiehouers voorsien word.”
Die bepaling van agt evalueringsfaktore en gewigte vir kwotatoekenning, sluit in of die aansoeker ’n Namibiese burger is en tot watter mate sy/haar maatskappy tot voordeel van Namibiërs is. Nog ’n vereistes is dat die eienaarskap van enige vaartuig wat deur die aansoeker gebruik word, oor wettige en geldige permitte moet beskik om eienaarskap te bevestig. Die aansoeker sal ook punte toegeken word vir sy/haar vermoë om die konsessie op ’n bevredigende wyse uit te oefen, en die bevordering van mense in Namibië wat in die verlede op maatskaplike, ekonomiese of opvoedkundige vlak teen gediskrimineer is, sal ook in ag geneem word.
Esau het aangekondig dat hy die moontlikheid oorweeg om die versamelde data binne verskillende afdelings van sy ministerie te verdeel, aangesien hierdie inligting nie vertroulik van aard is nie. Só kan konsessiehouers vir seker weet dat diegene wat hoër punte toegeken word en dus meer kwotas ontvang, wel dié hoeveelhede verdien.
Esau het konsessiehouers ingelig dat die toekenning van gewigte aan elkeen van die agt vereistes en die publikasie van die nuwe pro rata-stelsel in die Staatskoerant, die enigste twee stappe is wat nodig is om die proses te voltooi.
“Die toekenning van gewigte vir die vereistes soos uitgestippel is nie ’n tegniese proses nie, maar ’n beleidsaak. Ek sal ’n besluit oor hierdie kwessie neem in oorleg met die regering en die industrie mettertyd inlig. Die publikasie daarvan in die Staatskoerant sal direk daarna volg.”
Die ministerie en die bedryf het op 6 Maart vanjaar toe die hersiening van die pro rata-stelsel vir kwotatoekennings bekend gestel is, onderneem om die bestaande stelsel meer deursigtig en aanspreeklik te maak, gegrond op die prestasies van individuele konsessiehouers.
Kommentaar
Republikein
Geen kommentaar is op hierdie artikel gelaat nie