Voortrekkers ná 90 jaar nog op koers

15 October 2021 | Byvoegsels
Die Windhoek-Schlengemann-kommando van die Namibiese Voortrekkers bied vanaand, in samewerking met Netwerk Namibië en Windhoek Afrikaanse Privaatskool, 'n plaaslike vertoning van die aanlyn konsert, Hou Koers, aan.

Die Voortrekkers vier vanjaar hulle 90ste bestaansjaar met 'n geskiedkundige konsert wat op die vooraansig van die Voortrekkermonument geprojekteer gaan word.

Adam Tas, Jak de Priester en Pieter Smith sal die lekkerste sangvermaak in Afrikaans aan oud en jonk verskaf. Heerlike saamkuier en saamsing beloof om uitstekende vermaak vir die hele gesin te bied.

Volgens Alex Maritz, leier van die Windhoek-Schlengemann-Voortrekkerkommando, bied die Voortrekkerbeweging een van die beste dryfvere om die rykdom van ons kultuurerfenis aan ons jeug oor te dra.

“Kulturele bewussyn hang nou saam met die funksionering van suksesvolle gemeenskappe. Dit is juis in hierdie akker waar ons wil spit en saai, met geloof in ons Skepper wat laat groei.

“Ons is hier om te bou, saam met julle, aan ons jeug wat weer ons erfenis sal bewaar vir hul kinders en hul kinders se kinders. Ons vertrou dat hierdie feesvierings van ons organisasie – 90 jaar later – een en elkeen sal inspireer en 'n groot hupstoot sal gee in moed, durf en daad – omdat ons nie anders kan nie, dit is wie ons is.”

Elna de Jager, Windhoek Afrikaanse Privaatskool se laerskoolhoof, is dankbaar om by hierdie geleentheid betrokke te raak en sodoende die liefde vir die Afrikaanse kultuur onder ouers en kinders aan te wakker.

“Windhoek Afrikaanse Privaatskool vier graag fees saam met die Voortrekkers en is opgewonde om opbouende gesinsvermaak aan te bied.”

Die uitvoerende beampte van Netwerk, me. Elizma Theron, beaam dat geleenthede soos hierdie belangrik is om die Afrikaanse kultuur op te bou, asook om gesinsbande te versterk.

“Netwerk speel 'n koördinerende rol in die groei van die Afrikaanse taal in Namibië, en hierdie is 'n uitstekende praktiese voorbeeld van hoe organisasies effektief kan saamwerk om aan Afrikaans 'n sterker stem in Namibië te gee.”

Kaartjies beloop slegs N$30 per persoon en kinders onder 9 kan die geleentheid gratis bywoon.

Die kaartjies is by Windhoek Afrikaanse Privaatskool en Treintjieskool beskikbaar, of kan by die ingang gekoop word. Verversings sal te koop wees. Die vertoning word by die Andries du Plessis-saal in Drakensbergstraat aangebied en begin stiptelik om 19:00.

Soortgelyk

 

Plaaslike aktrise wen ‘Afrika-Oscar’

6 ure gelede | Kuns en vermaak

Die plaaslike aktrise Hazel Hinda het op 28 November die toekenning vir die beste aktrise in ’n ondersteunende rol by die African Movie Academy Awards...

Skole sluit vroeër ná vraestelle lek

9 ure gelede | Onderwys

Die ministerie van onderwys, kuns en kultuur sê skole gaan vroeër sluit as wat aanvanklik aangekondig is, om streke in staat te stel om voor...

Derde dosis Sinopharm goedgekeur

9 ure gelede | Gesondheid

Die ministerie van gesondheid en maatskaplike dienste het by monde van sy uitvoerende direkteur, mnr. Ben Nangombe, bevestig dat Namibiërs wat reeds twee dosisse van...

Geen sterftes, 11 nuwe gevalle

10 ure gelede | Gesondheid

Die Covid-sterftes bly op 3 573, terwyl 11 nuwe gevalle gister aangeteken is. Dit is 'n positiewe koers van 0,6% en sluit een leerlinge en...

Diplomaat van Namibië toets positief vir Omicron in Japan

10 ure gelede | Gesondheid

Japan se hoofkabinetsekretaris Hirokazu Matsuno het bevestig 'n diplomaat van Namibië in sy dertigs het positief vir die Omicron-variant getoets. Die man het Japan via...

Nog stemme van verset teen inhokking

23 ure gelede | Gesondheid

Henriette LamprechtTerwyl gevalle van die Omicron-variant van Covid-19 in talle oorsese lande bevestig word en midde 'n groot waarskynlikheid dat die variant reeds op eie...

Plaaseienaar aangekla ná raakskoot

23 ure gelede | Misdaad

Elvira HattinghDie vlaag van veediefstal in die Grootfontein-omgewing is die afgelope naweek opnuut tot 'n spits gedryf toe 'n plaaseienaar 'n vermeende veedief met 'n...

Amutse wins 2021 Bank Windhoek Doek Literary Visual Arts...

23 ure gelede | Mense

Monique AdamsBorn in Walvis Bay, Namafu Amutse attended Immanuel Ruiters primary school. She then moved to Swakopmund in 2007 and attended Swakopmund Primary School.Amutse completed...

Veldbrand nog nie in bedwang

23 ure gelede | Ongelukke

Tanja BauseDie veldbrand wat sowat 'n week gelede naby Okahandja begin het, woed steeds voort. Volgens mnr. Corne Kruger het die vlamme aan die einde...