Voëls hoort nie in koue nie

15 January 2020 | Rubrieke
En ek praat nie van dié met vlerke nie.

Ek praat van mense.

Ek het onlangs die voorreg gehad om die Afrikaanse fliek Kanarie te sien, en ek kan eerlik sê ek is baie meer as net aangenaam verras.

En ja, ek skaam my oor my verwagtinge van die Afrikaanse fliekbedryf so laag was. In die verlede was Afrikaanse flieks regtig nie my ding nie, om twee redes hoofsaaklik: Die ewige swartgallige element wat met slagofferskap gepaard gaan, en die komplimentêre geestesversteurde of verstandelik gestremde outjie op die dorp.

Hoekom moet die Afrikaner altyd die dom, depressed of tragiese karakter wees?

Dis hoekom Kanarie so uiters verfissend is, al is dit ook uiters intens.

Maar eers meer oor die storie:

Dit speel in die tagtigs af in die tyd van bubble skirts, Boy George, Lesley Rae Downing, Depeche Mode en Queen, geteasde en gepermde hare en groot plastiekoorbelle.

En apartheid. En die army. En die veiligheidspolisie. En die noodtoestand.

En toe dit, soos skandelik vandag nog in Namibië, nie oukei was om gay te wees nie.

Toe die SA Grondwet nog nie diskriminasie teen mense op grond van hul seksuele oriëntasie ongrondwetlik verklaar het nie. Toe selfdegeslaghuwelike nog onwettig was.

Toe die gay ouens in die army gemolesteer, aangerand en ge-“moffie” is.

Die fliek se uitbeelding van hoe skreiend alledaags hierdie geboelie was, het my só in die maag geskop, dat ek nie sommer weer dieselfde sal wees nie.

Want, hoewel ek heeltemal bewus is van die vieslike gedrag wat mense steeds teenoor gay mense openbaar, was ek nie in die army nie.

Die ouens in my matriekgroep was van die laastes wat nog moes army toe voor die ANC ontban is, Mandela aan bewind gekom het en verpligte diensplig nie meer ’n ding was nie.

Wat dinge nog soveel werkliker maak, is dat die hoofkarakter nie eers heeltemal weet hy is gay nie.

Want dít is wat gebeur as daar goed in die samelewing is waaroor mense net te bang is om oor te praat.

Of wanneer onkundige, emosioneel onvolwasse en moreel vertraagde mense ander mense boelie.

Ons oë is ook nie altyd oop vir ander mense se stryd om aanvaarding nie. Ons weet nie alttyd hoe dit voel nie.

Vir dié van ons wat straight is, is dit vanselfsprekend om seksuele opmerkings en seksgrappies te maak, want dit word aanvaar.

Maar as jy gay was in die tagtigs in Suid-Afrika, en jy probeer seksuele opmerkings of grappies maak, is jy gemoer.

Soms word jy vandag ook sommer gemoer.

Die vervaardigers, regisseur, skrywers en die hele produksiespan van dié kragtoerfliek verdien super spesiale vermelding. Ek is só beïndruk met Suid-Afrika se nuwe generasie fliekmakers ek kan doodgaan.

Hulle tiptoe nie om ongemaklike kwessies nie, en selfs volle manlike naaktheid freak hulle nie uit nie en laat niemand opgooi nie.

Die fliek is boonop vol humor, dwarsdeur al die pyn.

Die hoofkarakter se totale laagtepunt is so uitgebeeld dat hy steeds nie heeltemal ’n slagoffer is nie. Hy ís net.

En hy kan steeds lag.

Sy lewe is nie ’n voortdurende gewroeg nie – daar is ook oomblikke van liefde, vreugde en holle skeur.

Wat my die meeste verbyster ná ek Kanarie gesien het, is die besef dat Namibië steeds daar is waar die fliek is – in die moreel onvolwasse tagtigs.

Hoekom erken die Grondwet in 2020 steeds nie selfdegeslaghuwelike nie, en hoekom verbied dit nie diskriminasie van enige aard teen mense van verskillende seksuele oriëntasies nie?

Hoe kán ons so agter wees?

Hoe kán jy beweer jy’s ’n liefdevolle mens, maar daar is steeds jong seuns wat hulle foto’tjie van Boy George in hulle Bybel moet wegsteek?

Soortgelyk

 

Geen water, krag by 15 skole

15 ure gelede | Onderwys

Henriette Lamprecht - Vyftien skole in Windhoek se water en ligte is weens agterstallige betalings deur die Windhoekse munisipaliteit afgesny. Die skuld wat reeds meer...

Droogte spook by akkerbou

15 ure gelede |

Elvira Hattingh - Verwagtinge vir vanjaar se nasionale witmielieoes is van meet af aan kleiner – hoofsaaklik weens verlede jaar se droogteramp. Dit omdat Hardap-akkerbouers...

Corona: Geen beperkings op handel

15 ure gelede | Gesondheid

Henriette Lamprecht – Teen die einde van dié week sal 20 lande in Afrika, insluitende Namibië, plaaslik toetse vir die coronavirussiekte (covid-19) kan doen. Volgens...

Weer vir 13 Februarie 2020

15 ure gelede | Weer

WEERWAAK: Wydpverspreide donderbuie sal in die Suide voortduur.BINNELAND: Sonnig en baie warm in die Weste. Elders sal dit gedeeltelik bewolk en baie tot bloeidg warm...

Samsung unveils Galaxy Z Flip

15 ure gelede | Tegnologie

Samsung Electronics on Tuesday unveiled a foldable smartphone shaped like a large makeup compact and put 5G mobile network capabilities into all of its other...

Geldnood kniehalter regbank

15 ure gelede | Ministeries

Denver Kisting – Die al groter wordende geldnood in die land lê sommige funksies van die regbank lam.Gevolglik kon streekhowe verlede jaar net 20% van...

Fishrot: Namibië wil weet

15 ure gelede | Regering

Augetto Graig - Die tiende sessie van Namibië se sesde parlement het Dinsdag afgeskop en verskeie vrae oor die internasionale Fishrot-korrupsieskandaal opgelewer.Die land se sewende...

Henties bespreek beweerde rassevoorvalle

15 ure gelede | Gemeenskap

Yandi du Plessis - Hentiesbaai se toerismevereniging het onlangs met die burgemeester en waarnemende hoof van die Hentiesbaai-munisipaliteit, mnr. Herman /Honeb, vergader om voorvalle van...

Twee mans verkrag 15-jarige glo

15 ure gelede | Misdaad

Twee mans het Sondag ’n 15-jarige meisie op Maltahöhe na bewering verkrag. Volgens die Namibiese polisie se weeklikse misdaadverslag het die voorval tussen...