Voernood raak al hoe kritieker

Leweringstyd nou 40 werksdae

16 May 2019 | Landbou
Ronelle Rademeyer



Die enorme weidingsnood wat bees- en skaapboere dwing om hul diere met gekoopte voer aan die lewe te hou, het die vraag tot ver bo vervaardigers se kapasiteit verhoog.

Mnr. Christo du Plessis, bemarkingsbestuurder van Feedmaster, sê al vervaardig die aanleg 24 uur per dag vir sewe dae van die week, is die bestellings steeds 25% hoër as die vervaardigingskapasiteit.

“Ons leweringstydperk het van 15 werksdae na 40 werksdae gespring. Die vraag is so hoog dat hierdie tydperk elke vierde dag met nóg een dag toeneem,” sê Du Plessis.

Volgens hom was daar sedert die Paasnaweek 'n merkbare styging in die vraag. “Baie boere het gewag vir moontlike reën laat in April en dit het nie gebeur nie. Sedertdien beleef ons 'n geweldige toename in bestellings.”

Verder het die bestellings wat die Dare to Care-program geplaas het vir veevoer wat deur die Namibië Landbou-­unie en Namibië Opkomende Kommersiële Boere-unie teen 'n goedkoper prys aan boere beskikbaar gestel word, ook 'n invloed gehad.

Feedmaster se verkope het in die eerste kwartaal van 2019 reeds met sowat 18% jaar op jaar gestyg, sê hy.

Volgens Du Plessis het Feedmaster ook logistieke en vervoerprobleme beleef met die invoer van roumateriaal uit Zambië. “Normaalweg kan Namib Meulens dit voorsien, maar met die vraag wat so gestyg het, moes ons ook kontrakte vasmaak in Zambië en Suid-Afrika.”

In Suid-Afrika word vragte rou­materiaal soos kiemmeel, koring­semels, asook lusern wat hierheen vervoer moet word, dikwels tot drie dae lank ­vertraag, aangesien daar nie 'n veeartsenybeampte beskikbaar is om die invoerpermit af te teken nie, sê hy.

“Die uitbreking van bek-en-klouseer in Suid-Afrika het ook uit­dagings geskep deurdat net ruvoer wat in goedgekeurde gebiede verbou is, ingevoer kon word.”

Hy sê intussen het Zambië sy grens vir uitvoere gesluit en moet Feedmaster net op invoere uit Suid-­Afrika steun. Om alles te kroon, word 'n styging in die pryse van roumateriale verwag. Dit gaan meebring dat boere in die maande wat voorlê meer vir veevoer sal moet betaal.

Goeie nuus is dat Suid-­Afrikaanse veevoervervaardigers reeds met kontrakvervaardiging vir Feedmaster begin het. “Ons hoop dat hierdie produkte uit Suid-Afrika vanaf die einde van Mei beskikbaar sal wees,” het Du Plessis gesê.

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...