Vleis is nou peperduur
Trek jou vleistande, want dit lyk steeds nie asof daar 'n keer is aan die skerp stygings in vleispryse nie.
Daar is ook geen hoop dat die stygings in vleispryse in die lig van die landswye voëlgriep-epidemie binnekort sal verlangsaam nie.
Hoewel kospryse as geheel in September vir die derde maand in 'n ry stadiger gestyg het en heelwat kossoorte selfs goedkoper geword het, styg vleispryse steeds al hoe vinniger.
Die gemiddelde styging van kospryse in dié maand was 5,5% as nie-alkoholiese drank ingesluit word of 5,4% as drinkgoed uitgesluit word. Dié syfer, dus met hoeveel kos duurder was as 'n jaar gelede, is die laagste koers sedert November 2015.
Dit is steeds hoër as die algemene inflasiekoers van 5,1% vir September, maar aansienlik beter as die 12%-styging in kospryse (drinkgoed ingesluit) in Desember verlede jaar.
Maar ai, as jy van 'n tjoppie of stukkie hoender elke dag hou, dok jy gemiddeld 'n enorme 15,6% méér op as 'n jaar gelede.
Dit is 'n nuwe hoogtepunt in vleisprysinflasie nadat pryse in Augustus 15% hoër was as 'n jaar gelede, op sigself die hoogste styging in ses jaar.
Die hoër vleispryse kom ondanks aanduidings dat die groothandelprys van vleis in Augustus skerp gedaal het vergeleke met 'n jaar vantevore, van 17,8% in Julie tot 16,8% in Augustus.
Die beleggingsbank RMB het in Julie voorspel dat vleispryse nog tot November skerp sal styg, bloot gegrond op rooivleispryse. Baie boere is steeds besig om hul kuddes ná die 2015-'16-droogte te herbou en slag dus minder vee.
H5N8-epidemie
Dié voorspelling het nog nie die potensiële impak van die H5N8-epidemie, wat in al die land se provinsies met die uitsondering van KwaZulu-Natal uitgebreek het, op die prys van hoendervleis verreken nie.
Volgens Jason Muscat, senior ekonomiese ontleder van FNB, reken dat vleispryse nou vir langer skerp sal styg weens voëlgriep.
In September het 11 van die 16 ekonome (nagenoeg 71%) wat Netwerk24 gepeil het, nog gereken dat voëlgriep nie 'n groot impak op vleispryse sal hê nie, hoofsaaklik omdat goedkoop hoender steeds van elders, veral die Europese Unie, ingevoer word.
Annabel Bishop, hoofekonoom van Investec, het egter verskil omdat hoender so 'n groot gewig in SSA se inflasiemandjie dra.
Hoender weeg 14% in die kosmandjie wat SSA meet en beesvleis 8%. Dit is die vleissoort waarvan Suid-Afrikaners die meeste eet.
Wandile Sihlobo, ekonoom van die landbousakekamer Agbiz, sê die heropbou van kuddes is wel besig om te stabiliseer, aangesien daar 'n effense styging in maandeliks syfers by slagpale is. Dis egter steeds 5% minder as 'n jaar gelede.
Die daling in graanprodukte se prys kom danksy die daling van 45% in die prys van witmielies in September, terwyl geelmielies 38% goedkoper is.
Goedkoper kosgroepe
Skrale troos vir baie is dat vier belangrike kosgroepe wel die afgelope jaar goedkoper geword het: brood en graanprodukte (-2,8%), olies en vette (-3,3%), vrugte (-4,4%) en groente (-0,5%).
Tussen Augustus en September vanjaar was daar ook vier kosgroepe wat goedkoper geword het: brood en graanprodukte (-1%), vis (-0,1%), olies (-1,2%) en suiker en lekkers (-0,6%).
Sihlobo sê goeie reënval wat tussen November en Februarie in die somerreënvalgebiede verwag word, behoort te verseker dat mieliepryse nie weer skerp styg nie.
– Netwerk24
Hoewel kospryse as geheel in September vir die derde maand in 'n ry stadiger gestyg het en heelwat kossoorte selfs goedkoper geword het, styg vleispryse steeds al hoe vinniger.
Die gemiddelde styging van kospryse in dié maand was 5,5% as nie-alkoholiese drank ingesluit word of 5,4% as drinkgoed uitgesluit word. Dié syfer, dus met hoeveel kos duurder was as 'n jaar gelede, is die laagste koers sedert November 2015.
Dit is steeds hoër as die algemene inflasiekoers van 5,1% vir September, maar aansienlik beter as die 12%-styging in kospryse (drinkgoed ingesluit) in Desember verlede jaar.
Maar ai, as jy van 'n tjoppie of stukkie hoender elke dag hou, dok jy gemiddeld 'n enorme 15,6% méér op as 'n jaar gelede.
Dit is 'n nuwe hoogtepunt in vleisprysinflasie nadat pryse in Augustus 15% hoër was as 'n jaar gelede, op sigself die hoogste styging in ses jaar.
Die hoër vleispryse kom ondanks aanduidings dat die groothandelprys van vleis in Augustus skerp gedaal het vergeleke met 'n jaar vantevore, van 17,8% in Julie tot 16,8% in Augustus.
Die beleggingsbank RMB het in Julie voorspel dat vleispryse nog tot November skerp sal styg, bloot gegrond op rooivleispryse. Baie boere is steeds besig om hul kuddes ná die 2015-'16-droogte te herbou en slag dus minder vee.
H5N8-epidemie
Dié voorspelling het nog nie die potensiële impak van die H5N8-epidemie, wat in al die land se provinsies met die uitsondering van KwaZulu-Natal uitgebreek het, op die prys van hoendervleis verreken nie.
Volgens Jason Muscat, senior ekonomiese ontleder van FNB, reken dat vleispryse nou vir langer skerp sal styg weens voëlgriep.
In September het 11 van die 16 ekonome (nagenoeg 71%) wat Netwerk24 gepeil het, nog gereken dat voëlgriep nie 'n groot impak op vleispryse sal hê nie, hoofsaaklik omdat goedkoop hoender steeds van elders, veral die Europese Unie, ingevoer word.
Annabel Bishop, hoofekonoom van Investec, het egter verskil omdat hoender so 'n groot gewig in SSA se inflasiemandjie dra.
Hoender weeg 14% in die kosmandjie wat SSA meet en beesvleis 8%. Dit is die vleissoort waarvan Suid-Afrikaners die meeste eet.
Wandile Sihlobo, ekonoom van die landbousakekamer Agbiz, sê die heropbou van kuddes is wel besig om te stabiliseer, aangesien daar 'n effense styging in maandeliks syfers by slagpale is. Dis egter steeds 5% minder as 'n jaar gelede.
Die daling in graanprodukte se prys kom danksy die daling van 45% in die prys van witmielies in September, terwyl geelmielies 38% goedkoper is.
Goedkoper kosgroepe
Skrale troos vir baie is dat vier belangrike kosgroepe wel die afgelope jaar goedkoper geword het: brood en graanprodukte (-2,8%), olies en vette (-3,3%), vrugte (-4,4%) en groente (-0,5%).
Tussen Augustus en September vanjaar was daar ook vier kosgroepe wat goedkoper geword het: brood en graanprodukte (-1%), vis (-0,1%), olies (-1,2%) en suiker en lekkers (-0,6%).
Sihlobo sê goeie reënval wat tussen November en Februarie in die somerreënvalgebiede verwag word, behoort te verseker dat mieliepryse nie weer skerp styg nie.
– Netwerk24
Kommentaar
Republikein
Geen kommentaar is op hierdie artikel gelaat nie