Vlamme verswelg !Uris Safari Lodge
Francoise Steynberg - 'n Brand wat gister omstreeks 01:00 by !Uris Safari Lodge buite Tsumeb uitgebreek het, het die hoofgebou, die kapel en ’n chalet in vlamme verswelg.
"Dit was 'n groot skok om die nuus te hoor, maar dis aardse goed. Ek is net dankbaar niemand het gelukkig seergekry nie,” het die mede-eienaar van die praglodge, dr. Piet Pretorius, gisteroggend aan Republikein gesê.
Volgens hom het die ontvangsarea in die hoofgebou, die kapel en die chalet met twee kamers naaste aan die ontvangsarea, afgebrand.
Pretorius het geen idee hoe die brand ontstaan het nie, want hy was nie ten tyde van die voorval by die lodge nie.
"Ek is besig met pasiënte by Rosh Pinah," het Pretorius gesê, wat 'n mediese dokter is en vir 'n maand daar werk.
Pretorius het gesê sy vrou, Marinda, wat die lodge se binnenshuise versiering saam met me. Irma Neethling smaakvol volgens Marokkaanse styl gedoen het, sou gister vir hom op Rosh Pinah gaan kuier het, maar sy moet nou eers die reuseramp hanteer.
"Daar het soveel van ons persoonlike besittings ook afgebrand, maar die droogte is baie erger as die brand," het Pretorius gesê.
Boonop was die lodge vanaf Sondag deur 'n bustoergroep volbespreek, het die meerderheidsaandeelhouer van !Uris Safari Lodge, mnr. Gavin Jonk, gister aan Republikein gesê en bygevoeg hulle soek dringend ander verblyf vir die toergroep.
"Ek het om 04:00 die nuus gekry en gelukkig kon ons die ander 20 chalets red. Ons het geen hoe en waar die brand ontstaan het nie. Hier was net kampeerders wat dalk vuur gemaak het," het Jonk gesê.
Hy het bevestig dat die forensiese ondersoek vandag sal begin.
"Ons is besig om alles skoon te maak en sal weer oor twee weke begin bou om teen Augustus weer ten volle in bedryf te wees.
Jonk en sy vrou, Melissa, het sowat twee maande gelede die meerderheidsaandele van 75% in die lodge bekom.
!Uris Safari Lodge het in 2005 sy deure oopgemaak en is sowat 20 km wes van Tsumeb op die B1-hoofroete na Oshivelo geleë. Dit is veral bekend vir sy geskiedkundige myntoere in die omgewing.
"Dit was 'n groot skok om die nuus te hoor, maar dis aardse goed. Ek is net dankbaar niemand het gelukkig seergekry nie,” het die mede-eienaar van die praglodge, dr. Piet Pretorius, gisteroggend aan Republikein gesê.
Volgens hom het die ontvangsarea in die hoofgebou, die kapel en die chalet met twee kamers naaste aan die ontvangsarea, afgebrand.
Pretorius het geen idee hoe die brand ontstaan het nie, want hy was nie ten tyde van die voorval by die lodge nie.
"Ek is besig met pasiënte by Rosh Pinah," het Pretorius gesê, wat 'n mediese dokter is en vir 'n maand daar werk.
Pretorius het gesê sy vrou, Marinda, wat die lodge se binnenshuise versiering saam met me. Irma Neethling smaakvol volgens Marokkaanse styl gedoen het, sou gister vir hom op Rosh Pinah gaan kuier het, maar sy moet nou eers die reuseramp hanteer.
"Daar het soveel van ons persoonlike besittings ook afgebrand, maar die droogte is baie erger as die brand," het Pretorius gesê.
Boonop was die lodge vanaf Sondag deur 'n bustoergroep volbespreek, het die meerderheidsaandeelhouer van !Uris Safari Lodge, mnr. Gavin Jonk, gister aan Republikein gesê en bygevoeg hulle soek dringend ander verblyf vir die toergroep.
"Ek het om 04:00 die nuus gekry en gelukkig kon ons die ander 20 chalets red. Ons het geen hoe en waar die brand ontstaan het nie. Hier was net kampeerders wat dalk vuur gemaak het," het Jonk gesê.
Hy het bevestig dat die forensiese ondersoek vandag sal begin.
"Ons is besig om alles skoon te maak en sal weer oor twee weke begin bou om teen Augustus weer ten volle in bedryf te wees.
Jonk en sy vrou, Melissa, het sowat twee maande gelede die meerderheidsaandele van 75% in die lodge bekom.
!Uris Safari Lodge het in 2005 sy deure oopgemaak en is sowat 20 km wes van Tsumeb op die B1-hoofroete na Oshivelo geleë. Dit is veral bekend vir sy geskiedkundige myntoere in die omgewing.
Kommentaar
Republikein
Geen kommentaar is op hierdie artikel gelaat nie