Visums by lughawe uitgereik

17 June 2019 | Toerisme
Inwoners van lande soos onder meer Suid-Afrika, Duitsland, Frankryk, Italië, Amerika, Hongkong, Australië, Nederland, Angola, Zimbabwe en Zambië wat in Namibië wil kom vakansie hou, gaan nie meer visums nodig hê om die land te besoek nie.

Houers van diplomatieke paspoorte en gewone paspoorte vir Jamaika is ook van visumvereistes vrygestel, sowel as diplomatieke en amptelike paspoort­houers van onder meer Burkina Faso, Demokratiese Republiek die Kongo (DRC), Egipte, Madagaskar, Uganda en Ethiopië.

Dit strook met 'n kabinetsbesluit wat bepaal die ministerie van ­binnelandse sake en immigrasie gaan ook as deel van 'n loodsprojek visums aan die inwoners van sekere lande met hul aankoms by die Internasionale Lughawe Hosea Kutako uitreik.

Inwoners van lande wat hiervoor in aanmerking kom, sluit die ­Afrikalande Benin, Burkina Faso, Kameroen, Tsjad, Madagaskar en Bulgarye, ­Hongarye, Mexiko, Pole, Viëtnam, Thailand, die Verenigde Arabiese Emirate en ­Singapoer in.

Volgens Nampa het die minister van inligting en kommunikasietegnologie, mnr. Stanley Simataa, gesê dit vorm deel van die regering se pogings om sy stelsel vir visumaansoeke te verbeter en om buitelanders te help, wat nie vir visums in hul geboorteland kan aansoek doen voor hulle reis nie.

“Teen die einde van die loodsprojek en afhangend van die uitkoms sal 'n besluit geneem word om dit op te gradeer. Dit is 'n baie progressiewe ontwikkeling vir dié wat die voorsiening van digitale dienste aan ons nasie versoek het en die wat ons dienste vereis,” het hy gesê.

Volgens die minister sal nie alle ­lidlande van die Suider-Afrikaanse Ontwikkelingsgemeenskap (SADC) sulke dienste ontvang nie, omdat hulle reeds van visumvereistes vrygestel is.

Die tweede fase van die implementering van die projek sal die grensposte by Ariamsvlei, Noordoewer, Oranjemund, Trans-Kalahari, Wenela en Oshikango, asook die Walvisbaaise lughawe insluit.

Die visums wat by grensposte uitgereik word, kos N$1 000 elk.

Soortgelyk

 

Toetsing vir Covid-19 kry hupstoot

27th of May 11:38 | Gesondheid

Bank Windhoek het vandag hul skenking van reagent- en weefselmonstertoetsstelle aan die Namibië Instituut vir Patologie (NIP) aangekondig. Dié handelsbank se uitvoerende beampte, me. Jacquiline...

Bank en depot sal nie sluit nie, sê Peya

36 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

44 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...