Viskwotas: Betaal, of word gestraf

Suksesvolle bieërs moes teen gister opdok

03 September 2020 | Landbou
Ronelle Rademeyer - As die 33 suksesvolle bieërs aan wie die regering die stokvis-, marsbanker- en monnikviskwotas ter waarde van N$627 936 827,10 toegeken het, nie teen gister dié volle bedrag aan die regering oorbetaal het nie, word hulle gestraf.

Buiten ’n boete, sal hulle ook vir die volgende vyf jaar nie vir viskwotas in aanmerking kom nie.

Só het mnr. Tonateni Shidhudhu, woordvoerder van die ministerie van finansies, gister by navraag gesê.

Die sperdatum vir betaling is van 31 Augustus tot 2 September verleng. Shidhudhu sê dit is gedoen om die maatskappye wie se aanbiedinge aanvaar is, genoeg tyd te gee om die betalings te doen. Hy sê die besluit is geneem aangesien “daar ’n naweek tussenin was”.

Die suksesvolle bieërs is verlede week ingelig dat die bod op hulle toegeslaan is nadat aanbiedinge vir die veiling op 21 Augustus om 10:00 gesluit het.

Die minister van finansies, mnr. Iipumbu Shiimi, het verlede week bekend gemaak ses plaaslike en drie internasionale maatskappye het die kwotas vir die 11 000 ton stokvis gekry. Die hoogste aanbod uit plaaslike geledere was N$24 441 per ton en wat die aanbiedinge in die kategorie vir beide die plaaslike en internasionale mededingers betref, was die hoogste aanbod per ton N$25 000.

Die totale verdienste uit stokvis beloop N$164 641 940,42.

Wat die kwota van 72 000 ton vir marsbanker betref, is daar 17 suksesvolle bieërs uit plaaslike geledere aan wie kwotas toegeken is nadat die hoogste aanbod per ton N$19 036 was.

Wat die 60% van die tonnemaat betref waarvoor beide plaaslike en internasionale mededigingers voor kon aansoek doen, is daar ses suksesvolle kandidate. Die hoogste aanbod was N$12 000 per ton.

Die regering sal N$457 769 685,73 uit die marsbankerkwotas verdien.

Wat monnikvis betref, is net 392 ton opgeveil. Vyf kopers het meegeding, met die laagste bod wat N$4 551 per ton was en die hoogste bod N$13 906,10 per ton. Die totale kwota is aan dié bieër vir N$5 451 201 toegeken.

Volgens Shidhudhu was die aanduiding gister dat al 33 bieërs hul verpligting aan die regering sou kon nakom.

Hy sê die ministerie sal vandag die betalings rekonsilieer en die syfers kontroleer. - [email protected]

Soortgelyk

 

Min kans vir vlieg na SA

1 uur gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

1 uur gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

1 uur gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

1 uur gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

1 uur gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

1 uur gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

1 uur gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

1 uur gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

1 uur gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...