Viertal van kus palm silwer in

16 April 2019 | Sport
Tielman van Lill - Namibië se Likius Nande, Grant Mather, Stanley Gawanab en Kevin Wentzel het Donderdag die tweede plek by die Sone 5-streekkampioen­skap teen agt ander lande verower.

Dié toernooi is oor drie dae by die Rössmund-gholfbaan buite Swakopmund aangebied waar Angola, Lesotho, Malawi, Mauritius, Suid-Afrika, Swaziland (eSwatini), Zambië en Zimbabwe se beste amateurspelers meegeding het.

Die kampioenskap het verlede Dinsdag met 'n strawwe 36 putjies vir al die spelers afgeslaan. Die spanne het die volgende dag in die topposisies afgeslaan soos hulle die vorige dag geëindig het vir die volgende 18 putjies. Donderdag was die laaste dag vir die lande om sake op die pragtige Rössmund te kon uitspook met putjiespel (match play) as die spelformaat.

Suid-Afrika en Namibië het mekaar gepak om die eerste en tweede plekke te bepaal, terwyl Mauritius en Zambië vir die derde plek die balletjie moes inrol.

Likius Nande, wat sedert verlede jaar Namibië se nommer een amateur is, en Jayden Schaper (nr. 1 van Suid-Afrika) het die laaste 18 putjies skouer-aan-skouer die houe ingeryg.

Met 17 putjies verby het Schaper 'n ongelooflike 67 houe aangeteken wat vyf onder baansyfer is. Op die laaste putjie handhaaf Schaper sy peil en eindig op ses onder baansyfer om die goue medalje op te raap. Namibië eindig tweede met silwer, terwyl Zambië die derde plek inneem.

Me. Brenda Lens, president van die Namibiese Gholffederasie, sê Namibië het baie goed gevaar.

“Dit was ongelooflike spel deur beide Jayden en Likius. Ons moet in gedagte hou dat hierdie Suid-Afrikaanse span op pad is om aan die Europese Toer te gaan deelneem. Dan kan jy verstaan dat Namibië ongelooflik goed gedoen het en ons is baie trots op hulle,” het sy gesê.

Die finale stand: 1 Suid-Afrika, 2 Namibië, 3 Zambië, 4 Mauritius, 5 Zimbabwe, 6 eSwatini, 7 Malawi, 8 Lesotho, 9 Angola.

Soortgelyk

 

Windhoek se beursie leeg

1 uur gelede | Regering

Denver Kisting – Die verlies van die Windhoekse stadsraad (CoW) vir sy 2018-boekjaar is ’n kortkop duskant ’n miljard – meer as N$814,4 miljoen.Dié bedrag...

Man sterf in bootbrand

1 uur gelede | Ongelukke

‘n Brand wat Saterdagoggend op die Ocean Tide-stokvisboot ontstaan het, het die lewe van ‘n man geëis, het die polisie gister bevestig. Die boot was...

Kalahariwoestyn II skop skiet-skiet af

1 uur gelede | Polisie

Leandrea Louw op Walvisbaai – Twee sake van poging tot moord is die afgelope naweek langs die kus aanhangig gemaak.Dié sake hou verband met die...

Weer, Maandag 19 Augustus 2019

1 uur gelede | Weer

BINNELAND: Gedeeltelik bewolk en warm in die Verre Suide. Elders sal dit sonnig en warm tot baie warm met winderige toestande wees.KUS: Gedeeltelik bewolk en...

Nida moet sê oor groot geld

1 uur gelede | Plaaslik

Augetto Graig – Die soeklig val vanmiddag op die geldsake van die enorme agentskap vir nywerheidsontwikkeling in Namibië (Nida) wat in beheer van sowat N$2...

Opposisie: Verwyder Katrina

1 uur gelede | Politiek

Catherine Sasman – Die jeugliga van die Popular Democratic Movement (PDMYL) het ‘n beroep gedoen dat die veroordeelde oudgoewerneur van die Hardapstreek en oudminister van...

Hoenderstorting: Kriteria sal hersien word

1 uur gelede | Plaaslik

Elvira HattinghDie ministerie van nywerheidsontwikkeling, handel en SME-ontwikkeling gaan kriteria vir die toestaan van invoerkwotas van hoenderprodukte hersien. In 'n kennisgewing wat Vrydag in onder...

Komplekse hartklepchirurgie in Windhoek gedoen

1 uur gelede | Gesondheid

Henriette Lamprecht - Die harteenheid van die Rooms-Katolieke Hospitaal in Windhoek het hom by een van ses eenhede in Afrika aangesluit wat minimale indringende chirurgie...

Verkiesings 2019: Persepsies oor mediavryheid

1 uur gelede | Politiek

Christie Keulder – Namibië is die Afrika-land met die vryste media volgens 2019 se Wêreldpersvryheidindeks.Die land beklee internasionaal die algehele 23ste plek, wat aandui dat...