Vier slagoffers bekend

Soveelste padslagting

21 May 2019 | Ongelukke
Denver Kisting



Teen gistermiddag is twee mans wat Sondag saam met 'n vyfjarige meisie en drie ander mans in 'n motorongeluk tussen Otjiwarongo en Okahandja dood is, nog nie geïdentifiseer nie.

Die nasionale woordvoerder van die Namibiese polisie, adj.komm. Edwin Kanguatjivi, het gister by navraag gesê die meisie is as Frieda Naango Emvula uitgeken.

Die ander drie oorledenes wat ook in dié gruongeluk omgekom het, is mnre. Johannes Iyambo (56), Sakeus Kapadhi (20) en die 39-jarige Simon Amadhila, het Kanguatjivi gesê.

Volgens hom is twee mans – onder­skeidelik 55 en 56 jaar oud – se identiteite nog onbekend. “Hul naasbestaandes het nog nie na vore gekom om hulle te identifiseer nie,” het Kanguatjivi gistermiddag gesê.

Die woordvoerder sê die ongeluk het omstreeks 13:49 Sondag ongeveer 70 km buite Otjiwarongo plaasgevind.

Hy sê 'n Toyota Corolla het na bewering reg van voor teen 'n Volvo-vragmotor gebots. Al ses insittendes van die sedan is dood. Net die vragmotorbestuurder het die ongeluk oorleef.

Die Corolla was in 'n suidelike rigting op pad terwyl die vragmotor in die teenoorgestelde rigting onderweg was, het Kanguatjivi gesê.

Beeldmateriaal, wat wyd op sosialemediaplatforms die ronde doen, wys hoe die sedan aan die verkeerde kant van die pad gery het.

Kanguatjivi sê die vragmotorbestuurder sê hy het die ongeluk probeer vermy deur na die linkerkant van die pad te beweeg.

Die sedan het die vragmotor voor regs getref. Die impak van die ongeluk het die kleiner voertuig aan flarde geruk.

Soortgelyk

 

Etosha Sondagmiddag deur aardbewing geskud

3 minute gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

5 minute gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

44 minute gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

1 uur gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

1 uur gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

12 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Man voor hof ná 'hardhandigheid'

12 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

12 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...

Afrika saam teen Covid-19

12 ure gelede | Regering

Augetto Graig – Op Afrika-dag 2020 is die tema gesondheidsveiligheid in die konteks van die coronavirus, sê die adjunkpremier en minister van internasionale betrekkinge en...