Vervoerperk vir passasiers bly
Namibiërs wat komende naweek op reis wil gaan, moet hulle steeds by die beperkte getal mense per voertuig hou.
Denver Kisting – Niemand – hetsy teen betaling al dan nie – mag meer as drie mense, insluitend die bestuurder, in 'n viersitplekvoertuig vervoer nie.
Vir 'n vyfsitplekvoertuig is die maksimum toelaatbare aantal mense, insluitend die bestuurder, vier. Net vier mense, insluitend die bestuurder, mag in 'n voertuig met kapasiteit vir sewe mense vervoer word.
Só lui die voorskrifte van die ministerie van werke en vervoer.
Me. Yvonne Dausab, die minister van justisie, het gistermiddag by navraag gesê kragtens die noodtoestandregulasies vorm dié voorskrifte deel van die wet. Dit maak hul nakoming verpligtend, het sy gemaan.
Volgens die voorskrifte staar 'n boete van N$2 000 of ses maande se gevangenisstraf, of albei, 'n eienaar of bestuurder van 'n voertuig in die gesig.
Vir die bepaling van die aantal persone in 'n voertuig word enige kind onder drie jaar nie bygereken nie.
Twee kinders van drie jaar of ouer, maar onder ses jaar word as twee mense getel.
Drie kinders van ses jaar of ouer, maar jonger as 13 jaar word as twee mense getel.
BEGRAFNISGRASIE
Dausab het gisteroggend tydens 'n onderhoud in Republikein se ontbytprogram, Kletskompas, gesê die maksimum aantal van tien mense per begrafnis sluit die huisgesin van die oorledene uit.
Tot dusver is aanvaar nét tien mense mag 'n begrafnis bywoon, insluitend 'n begrafnisondernemer en 'n predikant.
DRANK BLY VERBODE
Ofskoon die drink en besit van alkohol nie verbode is nie, mag geen alkohol onder die bestaande regulasies verkoop of gekoop word nie.
Dausab is van mening mense wat aanvoer hulle het drank gekoop voordat die regulasies van krag geword het, móét met stawende bewyse, byvoorbeeld 'n kwitansie, vorendag kom.
Omdat kansvatters gemagtigde beamptes probeer uitoorlê, sou 'n beëdigde verklaring van iemand wat aanvoer hy het voor of ná die inperking drank as 'n geskenk ontvang waarskynlik nie oortuigend genoeg wees nie, het sy gewaarsku.
Sy het mense aangeraai om eerder hul drankies tuis te geniet en nie daarmee op reis te gaan nie.
MASKERS 'n MOET
Dausab het opnuut benadruk die dra van 'n masker buite 'n private woning is verpligtend.
Sou 'n mens alleen in 'n voertuig wees of saam met mense met wie jy woon, moet jy in ieder geval die masker byderhand hou, sê sy.
Fase 2 van Namibië se noodtoestand geld sedert 5 Mei en duur na verwagting tot einde vandeesmaand.
- [email protected]
Vir 'n vyfsitplekvoertuig is die maksimum toelaatbare aantal mense, insluitend die bestuurder, vier. Net vier mense, insluitend die bestuurder, mag in 'n voertuig met kapasiteit vir sewe mense vervoer word.
Só lui die voorskrifte van die ministerie van werke en vervoer.
Me. Yvonne Dausab, die minister van justisie, het gistermiddag by navraag gesê kragtens die noodtoestandregulasies vorm dié voorskrifte deel van die wet. Dit maak hul nakoming verpligtend, het sy gemaan.
Volgens die voorskrifte staar 'n boete van N$2 000 of ses maande se gevangenisstraf, of albei, 'n eienaar of bestuurder van 'n voertuig in die gesig.
Vir die bepaling van die aantal persone in 'n voertuig word enige kind onder drie jaar nie bygereken nie.
Twee kinders van drie jaar of ouer, maar onder ses jaar word as twee mense getel.
Drie kinders van ses jaar of ouer, maar jonger as 13 jaar word as twee mense getel.
BEGRAFNISGRASIE
Dausab het gisteroggend tydens 'n onderhoud in Republikein se ontbytprogram, Kletskompas, gesê die maksimum aantal van tien mense per begrafnis sluit die huisgesin van die oorledene uit.
Tot dusver is aanvaar nét tien mense mag 'n begrafnis bywoon, insluitend 'n begrafnisondernemer en 'n predikant.
DRANK BLY VERBODE
Ofskoon die drink en besit van alkohol nie verbode is nie, mag geen alkohol onder die bestaande regulasies verkoop of gekoop word nie.
Dausab is van mening mense wat aanvoer hulle het drank gekoop voordat die regulasies van krag geword het, móét met stawende bewyse, byvoorbeeld 'n kwitansie, vorendag kom.
Omdat kansvatters gemagtigde beamptes probeer uitoorlê, sou 'n beëdigde verklaring van iemand wat aanvoer hy het voor of ná die inperking drank as 'n geskenk ontvang waarskynlik nie oortuigend genoeg wees nie, het sy gewaarsku.
Sy het mense aangeraai om eerder hul drankies tuis te geniet en nie daarmee op reis te gaan nie.
MASKERS 'n MOET
Dausab het opnuut benadruk die dra van 'n masker buite 'n private woning is verpligtend.
Sou 'n mens alleen in 'n voertuig wees of saam met mense met wie jy woon, moet jy in ieder geval die masker byderhand hou, sê sy.
Fase 2 van Namibië se noodtoestand geld sedert 5 Mei en duur na verwagting tot einde vandeesmaand.
- [email protected]
Kommentaar
Republikein
Geen kommentaar is op hierdie artikel gelaat nie