Verskeie landdroshowe weens Covid-19 gesluit

28 July 2020 | Howe
Verskeie landdroshowe is vanaf vandag vir 14 dae weens die Covid-19-epidemie gesluit.


Die kantoor van die hoofregter het vandag aangekondig dat die Katima Mulilo- en Windhoek-landdroshof in Katutura in Mungundastraat, asook die verkeershof op die hoek van Sam Nujoma-rylaand en Simeon Shixungilenistraat, se deure onmiddellik gesluit is.

Hierdie sluitings bring mee dat openbare dienslewering en regeringsfunksies op wetgewende en geregtelik vlak al meer deur Covid-19 lamgelê word.

“’n Regsbeampte by die Katima Mulilo-landdroshof en ‘n aanklaer by die Windhoek-landdroshof in Katutura het Vrydag positief vir die Covid-19-virus getoets. ‘n Beskuldigde wat in die verkeershof op 20 Julie verskyn het, het ook positief getoets en hy was in direkte kontak met hofbeamptes,” lui ‘n mediaverklaring.

Volgens die hooflanddros, me. Philanda Christiaan, sal alle verhore uitgestel word en nuwe hofdatums sal buite hofgeboue opgeplak word.

“Dringende borgaansoeke, beslagleggingsbevele en dringende aansoeke rakende kindersorg en beskermingsbevele sal in die belang van geregtigheid ongehinderd voortgaan,” sê Christiaan.

Alle korrespondensie moet aan die uitvoerende direkteur gerig word.

Die betalings en ontvangs van onderhoud, skulderkennings, aansoeke vir interim-beskermingsbevele en registrasie van intestaat-boedels vind op Katima Mulilo by die kantoor van ombudsman plaas en in Windhoek by die Windhoek-landdroshof in Judge JP Karuaihestraat.

Klerke van die onderhoud- en geslagsgeweldhof sal by bogenoemde plekke gestasioneer wees om te help met onderhouduitbetalings en aansoeke vir geslagsgeweldverwante sake.

Mense wat geregistreer het om onderhoud elektronies te ontvang, sal dit soos normaalweg ontvang.

Volgens Christiaan sal die Walvisbaaise landdroshof steeds gesluit bly tot ná gesondheidsowerhede dit gedisinfekteer het.

Foto Namibian Sun

Soortgelyk

 

Vandag se Covid-19-data

3 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

4 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

8 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

19 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

19 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

19 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

19 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

19 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

19 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...