Verskeie daaglikse vlugte binnekort na SA

19 October 2020 | Vervoer
Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde vlugte vanaf Windhoek en Walvisbaai na Johannesburg en Kaapstad vul.

Die twee lande se nasionale rederye, Air Namibia en South African Airways, asook Comair (vir British Airways) en SA Express bedien nie meer hierdie roetes nie.

Laasgenoemde vier rederye se vlerke is vanweë finansiële nood geknip. Die drie Suid-Afrikaanse rederye, wat óf in sakeredding is óf voorlopig gelikwideer is, se toekoms is nog duister en dit is nie seker of hulle weer vlugte op hierdie roetes gaan aanbied nie.

Hierteenoor dien 'n dringende aansoek waarin die likwidateur van die Belgiese redery, Challenge Air SA, vra Air Namibia moet gelikwideer word omdat hy nie sy skuld kan betaal nie, op 26 Oktober in die hoërhof in Windhoek.

Airlink bied reeds van 12 en 14 Oktober af vlugte tussen onderskeidelike Windhoek en Kaapstad, en Johannesburg en Walvisbaai aan.

FlyWestair se geskeduleerde Windhoek-Kaapstad-vlugte hervat op 23 Oktober. Dié vlugte vind op Vrydae en Maandae plaas.

Dié redery het verlede week aangekondig dat hy van 2 November af ook twee geskeduleerde vlugte per week tussen Windhoek en Johannesburg sal aanbied. Die vlugte sal op Dinsdae en Donderdae plaasvind.

Intussen het Airlink se hoof uitvoerende beampte, mnr. Rodger Foster, laat Donderdag in ’n verklaring bekend gemaak die nodige goedkeuring is bekom vir direkte, daaglikse vlugte tussen Johannesburg en Windhoek. Die eerste vlug is op 26 Oktober. Dit sal om 10:30 uit Johannesburg vertrek, en om 13:20 daarheen terugkeer.

Vanaf 16 November vermeerder die getal vlugte tot drie per dag, met die eerste vlug wat om 06:00 uit Johannesburg vertrek en om 08:15 by die Hosea Kutako Internasionale Lughawe aankom.

Van 18 November af vertrek die laaste vlug vir die dag om 19:15 na Johannesburg en kom om 21:15 daar aan.
[email protected]

Soortgelyk

 

Woede kook oor by Ngoma

13 ure gelede | Misdaad

Augetto Graig – Regeringsafgevaardigdes het laat Saterdagmiddag hul hande vol gehad om gemoedere by die Ngoma-grenspos te kalmeer toe ’n skare woedende inwoners uit die...

Totsiens, Shannon

13 ure gelede | Mense

Leandrea Louw op Walvisbaai – Roubeklaers het Saterdag in groot getalle opgedaag om finaal van me. Shannon Wasserfall (21) op Walvisbaai afskeid te neem.Sy is...

Nuwe ruimte vir naslaan, leer en lees

13 ure gelede | Geskiedenis

'n Splinternuwe mediategnologie-biblioteek is nou oop vir die publiek by die hoofkantoor van Namibia Media Holdings in Windhoek.Die herontwerpte argief is Vrydag amptelik in gebruik...

Vermoedelike reeksverkragter slaan weer toe

13 ure gelede | Misdaad

Kuskantoor – Die polisie in die Erongostreek ondersoek 'n voorval waar ’n aanvaller by ’n vrou (28) se huis in Walvisbaai ingebreek het, haar met...

Antigeen-toetse vir reisigers na SA beskikbaar

13 ure gelede | Gesondheid

Antigeen-toetse om die coronavirus op te spoor, is volgens die Suid-Afrikaanse regering se inligtingsdiens (GCIS) by alle grensposte na die land beskikbaar.Dié toetse, wat van...

Regeringsbestuur: 'Prentjie lyk stroef'

13 ure gelede | Regering

Denver Kisting 'n Herhaling van die Fishrot-skandaal, die beweerde grootskaalse kaping van Namibiese viskwotas wat die afgelope jaar opspraak wek en twee oudministers agter tralies...

Seun (5) met kanker se gesin vra hulp

13 ure gelede | Mense

Ester KamatiDie Labuschagne-gesin op Otjiwarongo het onlangs die ontstellende nuus ontvang dat die vyfjarige Zu-Andre kanker het. Die diagnose het gevolg nadat bloed vroeg...

Sprinkaanplaag: SADC vra steun

13 ure gelede | Landbou

Elvira Hattingh - Die Suider-Afrikaanse Ontwikkelingsgemeenskap (SADC) het gister ’n beroep gedoen op steun in die stryd teen Afrika treksprinkane. Dit volg nadat altesaam tien...

Nuwe webtuiste vir burgerlike organisasies

13 ure gelede | Gemeenskap

Tanja Bause - ’n Nuwe webtuiste en inligtingsentrum vir burgerlike organisasies is onlangs van stapel gestuur. Die webtuiste, Civic +264, verteenwoordig alle burgerlike organisasies landswyd.Volgens...