Vermoorde Jamal Khashoggi deur EFN gedenk
Vryheid van spraak en joernaliste se rol om deursigtige, demokratiese samelewings te waarborg, word binnekort in Windhoek gedenk.
Ronelle Rademeyer - Op 3 Oktober vanjaar, een jaar en een dag ná die Saoedi-Arabiese joernalis Jamal Khashoggi in dié land se konsulaat in Istanboel, Turkye, vermoor is, word hy tydens ’n galadinee in Windhoek as kampvegter vir mediavryheid vereer.
Khashoggi se goeie vriendin en kollega, die bekende joernalis en filmmaker Safa al-Ahmad, is dié aand die gasspreker by die Redakteursforum van Namibië (EFN) se toekenningsaand en fondsinsamelingsdinee.
Met inskrywings vir die 2019 Namibië Joernalistiek-toekennings wat vandag sluit, kan Namibiërs nou begin kaartjies koop vir dié kroningsaand.
Die Joernalis van die Jaar sal aangewys word, saam met wenners in 10 ander kategorieë.
Al-Ahmad het in Junie vanjaar in Skotland die Wêreldvereniging van Koerante en Nuusuitgewers (Wan-Ifra) se Goue Pen van Vryheid-toekenning namens Khashoggi ontvang toe dit postuum aan hom toegeken is.
Khashoggi was ’n dapper fakkeldraer vir vryheid van spraak, en dit het hom sy lewe gekos.
Hy het ondanks groot persoonlike opoffering sy reg op vryheid van spraak onwrikbaar deur middel van gehalte-joernalistiek uitgeoefen, het mnr. Dave Callaway, president van die Wêreldredakteursforum vroeër vanjaar gesê.
Hy het gesê Khashoggi kon ondanks sy liefde vir sy geboorteland nie ignoreer waarheen dit op pad is nie. “Hy het volgehou om hom daarteen uit te spreek, en dit het hom sy lewe gekos,” het Callaway gesê.
Khashoggi het op 2 Oktober verlede jaar na die Saoedi-Arabiese konsulaat in Istanboel gereis om dokumentasie te kry wat hy vir sy voorgenome huwelik met sy Turkse verloofde, me. Hatice Cengiz, nodig gehad het. Hy is nooit weer gesien nie.
Op 20 Oktober het dit bekend geword hy is na bewering in opdrag van ‘n Saoedi-Arabiese intelligensie-offisier vermoor.
Al-Ahmad sê sedert Oktober was baie van die joernaliste wat hom geken het, verdwaas oor wat gebeur het.
“Die Saoedi-regering het gehoop Jamal se moord sal die res van ons bang maak. Dat dit ons sal stil maak. In teenstelling het dié wat stil was ook uitgesproke geraak; besef dat hul woorde kragtig is en selfs vir hierdie regering bedreigend is,” het sy tydens die ontvangs van die Goue Pen van Vryheid-toekenning gesê.
Maatskappye en instellings wat tafels wil bespreek, kan vir Elizabeth M’ule van die EFN ’n e-pos stuur na www.efnamibia.org of [email protected].
Pryse vir tafels met sitplek vir 10 mense wissel van N$8 000 tot N$10 000, afhangend van waar die tafel in die banketsaal by die Safari-konferensiesentrum geplaas is.
Die inkomste uit die tafelverkope sal vir die werksaamhede van die EFN aangewend word. Dit sluit die maandelikse koste van die kantoor van die media-ombudsman in, wat deur die EFN aangestel word.
*Die prysgeld vir die wenners, asook die koste van die dinee word deur die volgende instansies geborg: FNB Namibia, Ohlthaver & List, Namibia Media Trust, Geka-Pharma, Nictus, Feedmaster, Engen, Cecil Nurse, die Namibia Community Broadcasters’ Network (NCBN), Hillside Executive Accommodation, Komnick & Franck, John Meinert Printing en Gondwana Collection.
[email protected]
Khashoggi se goeie vriendin en kollega, die bekende joernalis en filmmaker Safa al-Ahmad, is dié aand die gasspreker by die Redakteursforum van Namibië (EFN) se toekenningsaand en fondsinsamelingsdinee.
Met inskrywings vir die 2019 Namibië Joernalistiek-toekennings wat vandag sluit, kan Namibiërs nou begin kaartjies koop vir dié kroningsaand.
Die Joernalis van die Jaar sal aangewys word, saam met wenners in 10 ander kategorieë.
Al-Ahmad het in Junie vanjaar in Skotland die Wêreldvereniging van Koerante en Nuusuitgewers (Wan-Ifra) se Goue Pen van Vryheid-toekenning namens Khashoggi ontvang toe dit postuum aan hom toegeken is.
Khashoggi was ’n dapper fakkeldraer vir vryheid van spraak, en dit het hom sy lewe gekos.
Hy het ondanks groot persoonlike opoffering sy reg op vryheid van spraak onwrikbaar deur middel van gehalte-joernalistiek uitgeoefen, het mnr. Dave Callaway, president van die Wêreldredakteursforum vroeër vanjaar gesê.
Hy het gesê Khashoggi kon ondanks sy liefde vir sy geboorteland nie ignoreer waarheen dit op pad is nie. “Hy het volgehou om hom daarteen uit te spreek, en dit het hom sy lewe gekos,” het Callaway gesê.
Khashoggi het op 2 Oktober verlede jaar na die Saoedi-Arabiese konsulaat in Istanboel gereis om dokumentasie te kry wat hy vir sy voorgenome huwelik met sy Turkse verloofde, me. Hatice Cengiz, nodig gehad het. Hy is nooit weer gesien nie.
Op 20 Oktober het dit bekend geword hy is na bewering in opdrag van ‘n Saoedi-Arabiese intelligensie-offisier vermoor.
Al-Ahmad sê sedert Oktober was baie van die joernaliste wat hom geken het, verdwaas oor wat gebeur het.
“Die Saoedi-regering het gehoop Jamal se moord sal die res van ons bang maak. Dat dit ons sal stil maak. In teenstelling het dié wat stil was ook uitgesproke geraak; besef dat hul woorde kragtig is en selfs vir hierdie regering bedreigend is,” het sy tydens die ontvangs van die Goue Pen van Vryheid-toekenning gesê.
Maatskappye en instellings wat tafels wil bespreek, kan vir Elizabeth M’ule van die EFN ’n e-pos stuur na www.efnamibia.org of [email protected].
Pryse vir tafels met sitplek vir 10 mense wissel van N$8 000 tot N$10 000, afhangend van waar die tafel in die banketsaal by die Safari-konferensiesentrum geplaas is.
Die inkomste uit die tafelverkope sal vir die werksaamhede van die EFN aangewend word. Dit sluit die maandelikse koste van die kantoor van die media-ombudsman in, wat deur die EFN aangestel word.
*Die prysgeld vir die wenners, asook die koste van die dinee word deur die volgende instansies geborg: FNB Namibia, Ohlthaver & List, Namibia Media Trust, Geka-Pharma, Nictus, Feedmaster, Engen, Cecil Nurse, die Namibia Community Broadcasters’ Network (NCBN), Hillside Executive Accommodation, Komnick & Franck, John Meinert Printing en Gondwana Collection.
[email protected]
Kommentaar
Republikein
Geen kommentaar is op hierdie artikel gelaat nie