Vermoorde Daniels nie Dinsdag ná werk huis toe
Ronelle Rademeyer – 'n Hartseer atmosfeer het gister in Bojos Café op Swakopmund geheers waar die vermoorde me. Jenny (Jennifer) Daniels (26) nog tot kort ná middagete Dinsdag as kelnerin gewerk het.
Haar lyk, naak en vol beserings, is die volgende oggend om 07:45 by Vierkantklip ontdek waar dit sowat 100 m vanaf die Walvisbaaipad gelê het.
Die eienares van Bojos Café, me. Bobby-Jo Bassingthwaighte, het gister op die Facebookblad van dié gewilde restaurant 'n foto geplaas wat wys hoe haar kollegas met twee brandende kerse en 'n bos rooi blomme aan haar hulde gebring het.
“Ons het gister (Woensdag) vir Jenny verloor. 'n Sinnelose, wrede moord op 'n jong lewe. Haar lyk is langs die pad gestort. Sy het 'n baba van sowat 4 maande. Ek hoop geregtigheid sal vinnig geskied.
“'n Klant het my vertel Jenny het haar aan 'n vlinder herinner. Vlieg vry, Jenny. Ons sal jou vriendelike gesig mis.” Só lui Bassingthwaighte se plasing op Facebook.
Me. Anna Awaseb (42) het gister aan Republikein gesê sy en Jenny het vir meer as 'n jaar saamgewerk. “Sy was 'n goeie, sagte mens. . . 'n Vriendelike mens,” sê sy.
Sy sê buiten haar babadogter wat vroeg in Augustus gebore is, laat Daniels nog twee jong kinders agter – 'n seun en 'n dogter.
Sy sê Daniels het Dinsdag vroeg ingekom en die oggendskof gewerk. “Omdat sy nie middagete geneem het nie, kon sy halfdrie huis toe gaan.”
Wyle Daniels se niggie, me. Desiree Hoëses (35), sê sy het nie ná werk teruggekeer na haar huis in Mondesa waar sy saam met die pa van haar baba gewoon het nie.
“Sy het Dinsdagoggend werk toe gegaan en nie teruggekeer huis toe nie. En Woensdagoggend tienuur toe bel die polisie en sê sy is dood. Dis al wat ons weet. Dit is vir ons as familie 'n baie groot skok,” het sy gesê.
Adj.komm. Erastus Iikuyu, wat misdaadondersoeke in die Erongo koördineer, sê die polisie volg nog leidrade op. Niemand is nog in verband met die aanranding en moord op haar in hegtenis geneem nie.
[email protected]
Haar lyk, naak en vol beserings, is die volgende oggend om 07:45 by Vierkantklip ontdek waar dit sowat 100 m vanaf die Walvisbaaipad gelê het.
Die eienares van Bojos Café, me. Bobby-Jo Bassingthwaighte, het gister op die Facebookblad van dié gewilde restaurant 'n foto geplaas wat wys hoe haar kollegas met twee brandende kerse en 'n bos rooi blomme aan haar hulde gebring het.
“Ons het gister (Woensdag) vir Jenny verloor. 'n Sinnelose, wrede moord op 'n jong lewe. Haar lyk is langs die pad gestort. Sy het 'n baba van sowat 4 maande. Ek hoop geregtigheid sal vinnig geskied.
“'n Klant het my vertel Jenny het haar aan 'n vlinder herinner. Vlieg vry, Jenny. Ons sal jou vriendelike gesig mis.” Só lui Bassingthwaighte se plasing op Facebook.
Me. Anna Awaseb (42) het gister aan Republikein gesê sy en Jenny het vir meer as 'n jaar saamgewerk. “Sy was 'n goeie, sagte mens. . . 'n Vriendelike mens,” sê sy.
Sy sê buiten haar babadogter wat vroeg in Augustus gebore is, laat Daniels nog twee jong kinders agter – 'n seun en 'n dogter.
Sy sê Daniels het Dinsdag vroeg ingekom en die oggendskof gewerk. “Omdat sy nie middagete geneem het nie, kon sy halfdrie huis toe gaan.”
Wyle Daniels se niggie, me. Desiree Hoëses (35), sê sy het nie ná werk teruggekeer na haar huis in Mondesa waar sy saam met die pa van haar baba gewoon het nie.
“Sy het Dinsdagoggend werk toe gegaan en nie teruggekeer huis toe nie. En Woensdagoggend tienuur toe bel die polisie en sê sy is dood. Dis al wat ons weet. Dit is vir ons as familie 'n baie groot skok,” het sy gesê.
Adj.komm. Erastus Iikuyu, wat misdaadondersoeke in die Erongo koördineer, sê die polisie volg nog leidrade op. Niemand is nog in verband met die aanranding en moord op haar in hegtenis geneem nie.
[email protected]
Kommentaar
Republikein
Geen kommentaar is op hierdie artikel gelaat nie