Vermeende ivoorskelms op heterdaad betrap

Geen borgtog

05 September 2019 | Howe
Leandrea Louw op Walvisbaai – Geheime polisie het twee mans Saterdag op heterdaad betrap toe hulle glo twee olifanttande van die hand probeer sit het.

Geen borgtog is Maandag aan mnre. Dirk Vermeulen (51) and Edgar Clark (41) toegestaan ná hulle die tande na bewering aan polisiebeamptes probeer verkwansel het nie.

Die waarde van die olifanttande is nog nie bekend nie.

Die twee is aangekla van die besit van beheerde wildprodukte en die dryf van handel daarin.

Die klagte is ’n oortreding van die wet op beheerde wildprodukte.

Clark en Vermeulen is Saterdag omstreeks 16:00 by die Gracemere-woonstelle in Fairways, Walvisbaai, in hegtenis geneem.

Hulle het Maandag vlugtig voor landdros John Sindano in die landdroshof op Walvisbaai verskyn en bly in aanhouding.

Die staatsaanklaer mnr. Tuihaleni Hilikuete het borgtog, gegewe die erns van die oortreding, teengestaan.

“’n Klag soos dié gaan met ’n boete van N$200 000 of 20 jaar tronkstraf gepaard,” het hy gesê.

Die beskuldigdes word deur regsverteenwoordigers van die Eugene Thomas-praktyk verteenwoordig.

Die saak is vir verdere ondersoek tot 19 September uitgestel, ook sodat die beskuldigdes hul aansoek om borgtog kan voorberei.

[email protected]

Soortgelyk

 

Hardap kry 19 Mm³ water sedert Maandag

41 minute gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

2 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

13 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

13 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

13 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

13 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

13 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

13 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

13 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...