Verlengde amnestie lewer gewenste resultaat in Erongo
'n Groot aantal ongelisensieerde en onwettige vuurwapens is by die polisie in die streek ingehandig.
Otis Finck op Walvisbaai
Meer as 40 vuurwapens van alle soorte is sedert die verlengde amnestie wat in November verlede jaar toegestaan is, by die polisie in die Erongostreek ingedien. Benewens die vuurwapens het altesame 2 500 rondtes lewendige ammunisie en tien leë mortierdoppe ook hul weg na polisiekantore gevind. Dié inligting is deur die adjunkkommissaris belas met operasies van die polisie in die Erongostreek, Tobias Gerber, bekend gemaak.
Die wapens en ammunisie is deur ongeveer 30 individue aan die polisie oorhandig.
“Die vuurwapens wat ons ontvang het, sal vernietig word. Ons is baie dankbaar vir die oorweldigende reaksie en moedig ander mense met onwettige of ongelisensieerde vuurwapens of wapens wat hulle nie meer wil hê nie, aan om dit aan die polisie te oorhandig voordat die amnestie op 18 Februarie 2017 verstryk.
“Hierdie wapens skep probleme wanneer dit gesteel word en sal daartoe lei dat mense in hegtenis geneem word wanneer dit in hul besit gevind word,” het Gerber gesê.
Hy sê die meeste van die wapens (30 gewere) word vir jagdoeleindes gebruik. Van die mense wat die wapens ingehandig het, het gesê hulle het dit as geskenke ontvang of dit is aan hulle geskenk. Ander beweer hulle het die wapens opgetel.
“Wapens en ammunisie beteken enige deel van 'n vuurwapen. Negentig persent van die wapens is ingehandig deur bejaarde mense wat die moeite ontsien het om aansoek om vuurwapenlisensies te doen.
“Die wapens en ammunisie wat ontvang is, sal vernietig word omdat dit vir die regering van geen nut is nie,” het hy gesê.
Slegs een wapen en 240 rondtes ammunisie is in die eerste drie maande van die amnestie in die Erongostreek ingedien. Die regering het aanvanklik aangekondig dat die amnestie-tydperk vir die inhandiging van onwettige en ongelisensieerde wapens vanaf 18 Augustus tot 18 November sou duur. Die tydperk is later tot 18 Februarie 2017 verleng.
Volgens speuradjudantoffisier Julia Nujoma, die eenheidbevelvoerder vir klein en ligte wapens, is pistole en klein vuurwapens die algemeenste wanneer misdade of voorvalle van huishoudelike geweld gepleeg word. “Ons wil toesien dat Namibië 'n geweldvrye land word,” het sy gesê.
Sy raai diegene aan wat nog in die besit van onwettige en onwelkome vuurwapens is, om van die amnestie gebruik te maak en die wapens by hul naaste polisiekantoor in te handig.
“Moenie die vuurwapens weggooi nie en moenie bang wees dat jy aangekla sal word nie. Ons het net die besonderhede nodig van die persoon wat die wapens ingevolge die amnestie indien, sodat ons die items kan identifiseer en die oorsprong daarvan kan bepaal,” het Nujoma bygevoeg.
Die Namibiese polisie het vir die eerste keer in 1992, twee jaar na onafhanklikwording, amnestie aangebied aan enigiemand wat onwettige wapens en ammunisie wou indien.
Meer as 40 vuurwapens van alle soorte is sedert die verlengde amnestie wat in November verlede jaar toegestaan is, by die polisie in die Erongostreek ingedien. Benewens die vuurwapens het altesame 2 500 rondtes lewendige ammunisie en tien leë mortierdoppe ook hul weg na polisiekantore gevind. Dié inligting is deur die adjunkkommissaris belas met operasies van die polisie in die Erongostreek, Tobias Gerber, bekend gemaak.
Die wapens en ammunisie is deur ongeveer 30 individue aan die polisie oorhandig.
“Die vuurwapens wat ons ontvang het, sal vernietig word. Ons is baie dankbaar vir die oorweldigende reaksie en moedig ander mense met onwettige of ongelisensieerde vuurwapens of wapens wat hulle nie meer wil hê nie, aan om dit aan die polisie te oorhandig voordat die amnestie op 18 Februarie 2017 verstryk.
“Hierdie wapens skep probleme wanneer dit gesteel word en sal daartoe lei dat mense in hegtenis geneem word wanneer dit in hul besit gevind word,” het Gerber gesê.
Hy sê die meeste van die wapens (30 gewere) word vir jagdoeleindes gebruik. Van die mense wat die wapens ingehandig het, het gesê hulle het dit as geskenke ontvang of dit is aan hulle geskenk. Ander beweer hulle het die wapens opgetel.
“Wapens en ammunisie beteken enige deel van 'n vuurwapen. Negentig persent van die wapens is ingehandig deur bejaarde mense wat die moeite ontsien het om aansoek om vuurwapenlisensies te doen.
“Die wapens en ammunisie wat ontvang is, sal vernietig word omdat dit vir die regering van geen nut is nie,” het hy gesê.
Slegs een wapen en 240 rondtes ammunisie is in die eerste drie maande van die amnestie in die Erongostreek ingedien. Die regering het aanvanklik aangekondig dat die amnestie-tydperk vir die inhandiging van onwettige en ongelisensieerde wapens vanaf 18 Augustus tot 18 November sou duur. Die tydperk is later tot 18 Februarie 2017 verleng.
Volgens speuradjudantoffisier Julia Nujoma, die eenheidbevelvoerder vir klein en ligte wapens, is pistole en klein vuurwapens die algemeenste wanneer misdade of voorvalle van huishoudelike geweld gepleeg word. “Ons wil toesien dat Namibië 'n geweldvrye land word,” het sy gesê.
Sy raai diegene aan wat nog in die besit van onwettige en onwelkome vuurwapens is, om van die amnestie gebruik te maak en die wapens by hul naaste polisiekantoor in te handig.
“Moenie die vuurwapens weggooi nie en moenie bang wees dat jy aangekla sal word nie. Ons het net die besonderhede nodig van die persoon wat die wapens ingevolge die amnestie indien, sodat ons die items kan identifiseer en die oorsprong daarvan kan bepaal,” het Nujoma bygevoeg.
Die Namibiese polisie het vir die eerste keer in 1992, twee jaar na onafhanklikwording, amnestie aangebied aan enigiemand wat onwettige wapens en ammunisie wou indien.
Kommentaar
Republikein
Geen kommentaar is op hierdie artikel gelaat nie