Verkiesing in DTA voor die deur

Estelle de Bruyn - Die DTA se uitvoerende komitee, wat die afgelope naweek in Windhoek vergader het, het ’n sentrale komiteevergadering waar sekere van die party se top poste gevul moet word, vir 1 en 2 Julie belê.By die naweek se vergadering is kennis gegee dat die poste van sek-retaris-generaal, adjunk-sekretaris-generaal en 40 lede van die party se sentrale komitee gevul sal word.Die nuwe sentrale komitee wat verkies sal word, het die opdrag om die DTA se bestaande grondwet te hersien wat op 29 September 2001 aanvaar is. ’n Nuwe konsepgrondwet is reeds opgestel en moet ook deur die sentrale komitee goedgekeur moet word.Die verkiesingsveldtog vir diegene wat hulself verkiesbaar stel vir die vakante posisies, het gister begin.Tydens die uitvoerende komitee se vergadering is die grondwette van die DTA se jeugliga en vroueliga ook aanvaar.Tydens sy openingsrede by die vergadering van die uitvoerende komitee die naweek, het die party se president en leier van die amptelike opposisie, mnr. McHenry Venaani, opnuut sy teenkanting teen die beplande, nuwe parlementsgebou uitgespreek. Venaani sê indien die planne om ’n nuwe parlementsgebou te bou in beter ekonomiese tye gekom het, sou dit nie die teenkanting gekry het wat nou die geval is nie. Hy het na die voorbeeld van die Duitse Bundestag verwys, wat toe uitbreidings en opknappings nodig was dit bloot aan die bestaande gebou gedoen het. Hy kan geen rede sien hoekom Namibië nie dieselfde pad kan stap nie. Venaani het sy teleurstelling uitgespreek oor die feit dat opposisiepartye nie geraadpleeg is met die opstel van pres. Hage Geingob se Harambee-welvaartplan nie. Tog sal die DTA, saam met ander opposisiepartye, die uitnodiging van die president aanvaar om hom te ontmoet en van die opposisie se kant af ook insette lewer.Venaani het ook die implementering van die wet op aanskaffing in die staatsdiens, die verklaring van bates van politieke ampsdraers en die politieke wil wat getoon is met die wet op hokaairoepers verwelkom en die DTA se steun daaraan toegesê.Die DTA wil egter ook ’n afdwingbare etiese gedragskode vir die staatsdiens ingestel hê en is van mening dat staatsamptenare nie toegelaat moet word om private besighede te bedryf terwyl hulle in diens van die staat is nie.Die party is ook bemoedig deur die ministeriële aksieplanne waarop die staatshoof aandring asook die prestasie-ooreenkomste wat met ministers aangegaan is.Die DTA is egter besorg oor die huidige formaat van die nuwe gelyke ekonomiese bemagtigingsraamwerk (NEEEF) en die beperkinge op eiendomsbesit vir buitelanders in stedelike gebiede. Volgens die DTA hou dit die gevaar in dat beleggers koue voete sal kry en die land sal verlaat.Die regering se reaksie op die droogte is deur Venaani gekritiseer, wat daarop gewys het dat die bedrag wat hiervoor begroot is onvoldoende is en dat vertragings met uitbetalings van die regering aan boere pogings om die invloed van die droogte te beperk in die wiele ry.Wat partysake betref het Venaani daarop gewys dat die party sedert sy verkiesing as president begin het met ’n stelselmatige vernuwing en bestuur van die party omdat tot die besef gekom is dat “die party en sy organe aan die slaap geraak het en dat daar ’n dringende behoefe was om die DTA en sy strukture te laat herontwaak”.

Verkiesing in DTA voor die deur

Kommentaar

Republikein 2022-05-21

Meld asseblief aan om kommentaar te lewer

Verkiesing in DTA voor die deur

Kommentaar

Republikein 2022-05-21

Meld asseblief aan om kommentaar te lewer

MELD AAN