Verbruikers verstik aan skuld

08 October 2019 | Ministeries
Jo-Maré Duddy – Verbruikers het hul kredietkaart- en persoonlike leningskuld, asook hul oortrokke rekeninge by plaaslike handelsbanke binne ‘n jaar met meer as N$1,6 miljard opgejaag.

Volgens die Bank of Namibia (BoN) se jongste syfers het dié skuld teen die einde van Augustus sowat N$10,8 miljard in totaal beloop.

Die jongste beskikbare data van die Namibiese Toesighoudende Owerheid vir Finansiële Instellings (Namfisa) toon verbruikers se totale skuld by mikroleners aan die einde van Maart was bykans N$5,8 miljard – sowat N$850 miljoen meer as ‘n jaar gelede.

“Verbruikers leef steeds bo hul vermoëns,” sê IJG Securities in hul ontleding van die jongste statistiek.

Dat Namibiërs toenemend korttermynskuld gebruik om hul verbruiksbehoeftes te bevredig, toon die druk waaronder hulle verkeer, sê IJG.

Dit is kommerwekkend, aldus die ontleders.

Hoogste in twee jaar

In die jaar tot einde Augustus het verbruikers se oortrokke rekeninge met meer as N$277 miljoen gebult.

Dié styging van 9% is die hoogste in byna twee jaar, sê IJG.

Aan die einde van dié maand het verbruikers in totaal bykans N$3,4 miljard se oortrokke rekeninge gehad.

Skuld wat persoonlike rekeninge en kredietkaarte insluit, het binne 12 maande met meer as N$1,3 miljard of 21,6% opgeskiet.

Dié tipe skuld groei sedert Maart vanjaar met meer as 20% op ‘n jaargrondslag. Aan die einde van Augustus het dit in totaal bykans N$7,5 miljard beloop.

Die BoN se jongste finansiële stabiliteitsverslag toon die verbruiker moes teen die einde van verlede jaar N$95,50 uit elke N$100 se besteebare inkomste in sy beursie gebruik om sy skuld mee te delg.

Geen keer aan resessie

Die verbruiker se hoë skuldlas en die gevolge van die heersende resessie beteken hulle gaan in die komende jare nie ekonomiese groei dryf nie, meen mnr. Rowland Brown van Cirrus Capital.

In sy ontleding van Fitch Ratings se verdere afgradering van Namibië in rommelstatus sê Brown huishoudelike verbruik maak ongeveer 70% van die bruto binnelandse produk (BBP) uit.

Die jongste syfers van die Namibië Statistiekagentskap (NSA) toon groot- en kleinhandel het in die tweede kwartaal vanjaar met -2% gegroei. Dié sektor is nou 11 opeenvolgende kwartale in die rooi.

Namibië staar in 2019 sy derde opeenvolgende resessiejaar in die gesig.

Brown meen die Namibiese ekonomie gaan volgende jaar voor sy grootste beproewing sedert onafhanklikwording te staan kom.

Tensy beleidsrigtings, soos dié rakende belegging, ingrypend verander, verwag Brown die land sal volgende jaar ook in ‘n resessie vasgevang bly.

[email protected]

Soortgelyk

 

Valskerm-ongeluk eis Chinese vrou

6 ure gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Frankfurt-vlugte het hervat

7 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

7 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

8 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Meer as N$6 miljoen se dagga in lorrie gevind

23 ure gelede | Misdaad

'n Lorriebestuurder (24) en sy 34-jarige medebestuurder is Saterdag omstreeks 09:00 op die B3-hoofweg naby Grunau in hegtenis geneem. Volgens die Namibiese polisie se weeklikse...

Laat koppe rol - Jooste, SPYL

23 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

23 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

23 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

23 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...