Vele hande, ligte werk

23 September 2019 | Omgewing
Tanja Bause - Nie net was dit Saterdag Wêreldskoonmaakdag nie, maar Namibiërs het ook landswyd moue opgerol en aan ’n grootskaalse skoonmaakveldtog deelgeneem.

Skoonmaakdag is vir die eerste keer in 2008 in Estland gehou en is nou ’n jaarlikse instelling.

Laas jaar het ’n geskatte 17 miljoen mense uit 158 lande aan die veldtog deelgeneem.

Namibië se eie nasionale skoonmaakveldtog is verlede jaar deur pres. Hage Geingob van stapel gestuur.

Vanjaar se veldtog is deur die ministerie van die omgewing en toerisme (MET) onder die tema “Namibië, gesond en skoon” aangebied.

Skole, munisipaliteite en besighede het landswyd bymekaargekom om op te ruim.

Me. Laura McLeod-Katjirua, goewerneur van die Khomasstreek, het in die Katutura- sentrale kiesafdeling ook aan die veldtog deelgeneem.

Sy het straatverkopers toegespreek en hulle aangemoedig om hul onmiddellike omgewing skoon te hou.

“Jy word betaal om die rommel op te tel, so tel op,” het ’n verkoper haar toegesnou, terwyl ander mense ingespring het en begin skoonmaak het.

“Ons moet ook skoonmaak. Wanneer ek en my broers in die veld gaan speel, is dit nie veilig met al die rommel wat rondlê nie. Rommel beteken ook kieme, so ons moet Namibië skoonmaak en skoonhou,” het Ngungaa Tjiroze gesê.

Pionierspark se buurtwag en hul lede het dié woonbuurt skoongemaak.

Volgens me. Sonia Stassen, ’n inwoner, is mense toenemend onverantwoordelik oor rommel.

“As elke huisgesin in die land uitgaan en net een swart sak vol rommel optel, gaan dit ’n baie groot verskil maak,” het sy gesê.

Die adjunkminister van die ministerie van die omgewing en toerisme, me. Bernadette Jagger, het gesê plaaslike owerhede in ander lande hou skoonmaak-aksies op elke laaste Saterdag van die maand.

“Ek dink dis ’n goeie idee en ons kan gerus hul voorbeeld volg. Ek doen ’n beroep op alle Namibiërs om innoverend te wees en gereeld aan skoonmaakaktiwiteite deel te neem,” het sy gesê.

[email protected]

Soortgelyk

 

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

9 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...