Vaughan kry kans op ’n beter lewe

12 September 2018 | Gesondheid
Henriette Lamprecht – Soos enige normale en aktiewe tienerseun wil hy graag saam met vriende kan rondhardloop en aan sport deelneem.

Te wyte aan ‘n erg pynlike mediese toestand wat as veelvuldige aangebore eksotose bekend staan, is dít egter nie die 13-jarige Vaughan Namaseb beskore nie.

Volgens Vaughan se ma, me. Judy Rikua, veroorsaak die toestand dat haar seun voortdurend pyn in sy gewrigte en polse ervaar, wat ook pynlike benerige uitgroeisels het.

“Die toestand veroorsaak dat hy nie ‘n normale kinderlewe kan lei nie. Hy kan aan geen sportaktiwiteite deelneem of selfs net saam met ander kinders rondhardloop en speel nie. Dit is eenvoudig te pynlik,” vertel Rikua.

Volgens haar het dit veral ‘n uiters negatiewe uitwerking op haar seun se selfbeeld.

‘n Operasie kan Vaughan se lewe nou uiteindelik ten goede verander, waartydens die veelvuldige eksotose deur ‘n pediatriese ortopediese chirurg in Kaapstad verwyder sal word.

Die operasie is geskeduleer vir 17 Oktober en sal deur dr. Anria Horn in die Universiteit van Kaapstad (UCT) se private akademiese hospitaal uitgevoer word.

Die totale beraamde koste, wat die operasie, hospitaal- en verblyfkoste, sowel as die narkotiseur en chirurg insluit, beloop sowat N$100 000.

Hiervan dek die mediese fonds 80%, en die oorblywende 20% is vir die gesin se eie sak.

Indien iemand ‘n bydrae tot Vaughan se herstel wil maak, kan me. Rikua of haar man by 081 229 3438 of 081 774 9370 geskakel word.

Soortgelyk

 

Honderde miljoene vir veevoer nodig

19 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

19 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

19 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

19 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

19 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

19 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

19 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

19 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

19 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...