Varsitybeker: Só lyk die kwotavereistes vanjaar
Rugby
Owen Kock - Die reëlingskomitee van die Varsitybeker-reeks, wat van 4 Februarie tot 15 April gespeel word, het vandeesweek sy transformasiebeleid vir die toernooi bevestig en die vernaamste wysiging is dat 'n bykomende speler van kleur in beginspanne moet wees.
Nes verlede jaar die geval was, moet 35% van die spelers in elke 23-tal van kleur wees, maar vanjaar word daar vereis dat vyf van dié spelers ook in elke beginspan moet wees.
Vir universiteite wat in die verlede gesukkel het om by die kwotas uit te kom, kan dit vanjaar 'n probleem wees, terwyl daar ander spanne is wat is wat geensins probleme sal hê om dié beleid toe te pas nie.
NET RSA BURGERS TEL
Die nege deelnemende universiteite moet “die uitdaging van diversiteit omhels en hulle bes doen om geleenthede te skep om spelers van kleur te bevorder”, sê die organiseerders in 'n verklaring.
Die organiseerders sê voorts net gekleurde spelers wat Suid-Afrikaanse burgers is, mag ingespan word om die kwotavereistes na te kom.
Dit geld ook in die Skild-, Young Guns- en Koshuisliga.
Intussen het die organiseerders ook aangekondig dat daar teruggekeer word na die tradisionele puntetoekenning in wedstryde.
Daar is net een uitsondering, wat slegs in die Varsitybeker-reeks van krag sal wees, naamlik die punte vir drieë wat in 'n span se eie halfgebied ontstaan het.
Sulke drieë sal met sewe punte, pleks van die gewone vyf, beloon word.
Daar word dus weggedoen met die negepunt-drieë, wat voorheen toegeken is vir drieë wat in 'n span se eie kwartgebied ontstaan het.
– Netwerk24
Nes verlede jaar die geval was, moet 35% van die spelers in elke 23-tal van kleur wees, maar vanjaar word daar vereis dat vyf van dié spelers ook in elke beginspan moet wees.
Vir universiteite wat in die verlede gesukkel het om by die kwotas uit te kom, kan dit vanjaar 'n probleem wees, terwyl daar ander spanne is wat is wat geensins probleme sal hê om dié beleid toe te pas nie.
NET RSA BURGERS TEL
Die nege deelnemende universiteite moet “die uitdaging van diversiteit omhels en hulle bes doen om geleenthede te skep om spelers van kleur te bevorder”, sê die organiseerders in 'n verklaring.
Die organiseerders sê voorts net gekleurde spelers wat Suid-Afrikaanse burgers is, mag ingespan word om die kwotavereistes na te kom.
Dit geld ook in die Skild-, Young Guns- en Koshuisliga.
Intussen het die organiseerders ook aangekondig dat daar teruggekeer word na die tradisionele puntetoekenning in wedstryde.
Daar is net een uitsondering, wat slegs in die Varsitybeker-reeks van krag sal wees, naamlik die punte vir drieë wat in 'n span se eie halfgebied ontstaan het.
Sulke drieë sal met sewe punte, pleks van die gewone vyf, beloon word.
Daar word dus weggedoen met die negepunt-drieë, wat voorheen toegeken is vir drieë wat in 'n span se eie kwartgebied ontstaan het.
– Netwerk24
Kommentaar
Republikein
Geen kommentaar is op hierdie artikel gelaat nie