Varser brood is daar nie

Selfs brötchens is nou op Gibeon beskikbaar

12 November 2019 | Byvoegsels
Tanja Bause – Elke dag om 09:00 klim Dawid Rooi op sy rooi fiets en laai varsgebakte brood op Gibeon af.

Die wit- en bruinbrode is die vorige aand deur Ali Ouseb gebak, gesny en verpak - gereed om by klein winkels en huishoudings oraloor die dorp afgelewer te word.

In 2014 het Chris en Magda Grobler die Gemsbok General Dealer op die dorp gekoop. Ná vier jaar se afwesigheid het hulle in Mei verlede jaar teruggekeer Gibeon toe.

“Ons is oorspronklik van Rosh Pinah, waar Chris jare lank ’n myner was. Toe ons op Gibeon aangekom het, het hy die eerste brode gebak,” het Magda gesê.

“Ek het geleer om die brood te bak, want die bakker het eendag net nie opgedaag nie. My eerste brötchens was baie groot en het soos brode gelyk. Ek het die tweede baksel kleiner gemaak en daar gaat ons,” het Chris gesê.

“Die bakkery was nog altyd deel van die besigheid en Dawid het die brood elke dag per voet afgelewer. Ons het vir hom ’n fiets gekoop en nou lewer hy die brood baie vinniger af,” het Magda gesê.

Tussen 80 en 90 brode word elke dag so afgelewer.

“Die broodverkope het baie toegeneem vandat ons dit by die winkels en huise aflewer. Mense plaas nou bestellings,” het Magda gesê.

Ali is op Gibeon gebore.

In 1990 het hy by die Spar op Mariental leer brood bak. Hy het later Windhoek toe getrek waar hy mense by verskillende takke van ’n kettingwinkel in die kuns touwys gemaak het.

“Ek het op ’n plaas net buite Gibeon grootgeword en in 2009 teruggegaan om weer te gaan boer. Die droogte het gekom en ek het baie met die boerdery gesukkel. Dit is toe dat Magda my gebel het en gevra het of ek nie vir haar wil kom bak nie. Nou is ek Ali Brood, die bekende bakker van Gibeon,” het hy breëbors gesê.

Ali bak ook gewone brötchens, asook brötchens vir worsrolletjies en hamburgers.

“Die mense hier op Gibeon ken net bruin- en witbrood. Hulle het brötchens net op foto’s gesien, maar nie geken nie, en nou is dit ’n ander storie.”

Ali bak saans tussen 80 en 100 brode en sy droom is om die bakkery uit te brei sodat hy die jongmense van Gibeon kan leer hoe om te bak.

“Ek sal nie vir altyd hier wees nie. Dit is net soos die lewe is. So ek moet nou my kennis aan iemand gee.”

Hy is besig om sy vrou op te lei en nooi jongmense uit om by die bakkery te kom inloer en kyk of hulle belang stel.

Volgens Magda wil hulle die kroeg wat deel is van die winkel en bakkery, sluit.

“Hier is genoeg kroeë en sjebeens op die dorp, maar nie een restaurant nie. Ons wil ’n restaurant begin waar ons etes bedien. Veral die oumense is nie elke dag lus om kos te maak of om in kroeë saam met die jeug te sit nie. In die restaurant kan hulle rustig sit ’n bier geniet en lekker eet,” het sy gesê.

Haar suster Juanita Blaauw is reeds besig met die spyskaart en bedien tans pizzas en hamburgers.

Soortgelyk

 

Verkeer tussen Namibië, Kaap weens Covid-19 ontwrig

6 ure gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

16 ure gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

16 ure gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

16 ure gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

16 ure gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

16 ure gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

16 ure gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

16 ure gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...

Melgesedek vlieg hoog

16 ure gelede | Mense

Jeanette Diergaardt – Met 'n kraakvars wit T-hemp, styfpassende donkerblou jeans wat net-net by die enkels kom en gepunte, blinkgepoetste swart skoene stap Melge­sedek Hamukoto...