Van tikster tot raadslid
Baanbreker deel haar twee dekade lange reis
Me. Juanita Frans is die nuut verkose personeelverteenwoordiger van die NUST-raad. Sy het die meerderheid stemme tydens 'n tweedaglange peiling onder die kampuspersoneel gewen.
Dié oorwinning maak haar die eerste vrou wat die pos beklee. Sy is tans die bestuurder van besigheidstelsels en prosesse in die IT-afdeling.
“Ek is al van die begin af by die instelling – 26 jaar en agt maande om presies te wees.
“Ek glo my goeie begrip van hoër onderwys en my ervaring as deel van hierdie gesogte instelling het my toegerus om op die raad te dien. Hoflikheid en gesonde professionele verhoudings vorm die kern van die sukses van enige instansie en dieselfde geld by NUST,” sê sy vol vertroue.
Frans het in 1994 by die destydse Kollege vir Buiteskoolse Opleiding (later bekend as die Politegnikum van Namibia, nou die Namibiese Universiteit vir Wetenskap en Tegnologie, NUST) begin werk as 'n datatikster in die eksamen-afdeling.
DIEN OP KOMITEES
Oor 'n periode van twee dekades het sy haar studies verder geneem en haarself tot 'n bestuursvlak opgewerk.
Gevra of daar 'n pertinente saak is wat sy graag wil aanspreek om haar termyn mee af te skop, het sy gesê: “Ek erken dit is 'n nuwe gebied wat ek betree, maar vasberadenheid is in my aard. Een kwessie waaraan ek graag aandag wil gee, is die aanstelling van 'n visekanselier. Dit sal stabiliteit en vooruitgang vir die universiteit verseker.”
Frans is ook die voorsitter van die uitvoerende komitee vir die geïntegreerde tersiêre stelsels (ITS)-gebruikersgroep en 'n uitvoerende lid van die Suider-Afrikaanse Vereniging vir Institusionele Navorsing (SAAIR). Verder verteenwoordig sy die personeel van die universiteit se pensioenfonds (UNIREF).
“Ek het dit nog altyd reggekry om 'n bydrae te lewer tot die strategie van my 'avant-garde'-universiteit, spesifiek met die doel om ander te bemagtig. Innovering is die kern van tegnologiese instellings, maar ek glo ons moet nooit ons menslikheid uit die oog verloor nie.
“Ek het gegroei deur uitdagings en avonture aan te pak en ek streef daarna om stelsels en prosedures onvergeetlik te maak vir ander, want ek hou daarvan om te sien hoe innoverende idees vrugte afwerp,” het sy bygevoeg.
Frans het 'n meestersgraad in sakeadministrasie van die Regent Business School in Suid-Afrika. In 'n verklaring wat die universiteit onlangs uitgereik het, het die kampusgemeenskap Frans gelukgewens. “Ons wens haar alles van die beste toe tydens haar ampstermyn,” lui die boodskap.
Dié oorwinning maak haar die eerste vrou wat die pos beklee. Sy is tans die bestuurder van besigheidstelsels en prosesse in die IT-afdeling.
“Ek is al van die begin af by die instelling – 26 jaar en agt maande om presies te wees.
“Ek glo my goeie begrip van hoër onderwys en my ervaring as deel van hierdie gesogte instelling het my toegerus om op die raad te dien. Hoflikheid en gesonde professionele verhoudings vorm die kern van die sukses van enige instansie en dieselfde geld by NUST,” sê sy vol vertroue.
Frans het in 1994 by die destydse Kollege vir Buiteskoolse Opleiding (later bekend as die Politegnikum van Namibia, nou die Namibiese Universiteit vir Wetenskap en Tegnologie, NUST) begin werk as 'n datatikster in die eksamen-afdeling.
DIEN OP KOMITEES
Oor 'n periode van twee dekades het sy haar studies verder geneem en haarself tot 'n bestuursvlak opgewerk.
Gevra of daar 'n pertinente saak is wat sy graag wil aanspreek om haar termyn mee af te skop, het sy gesê: “Ek erken dit is 'n nuwe gebied wat ek betree, maar vasberadenheid is in my aard. Een kwessie waaraan ek graag aandag wil gee, is die aanstelling van 'n visekanselier. Dit sal stabiliteit en vooruitgang vir die universiteit verseker.”
Frans is ook die voorsitter van die uitvoerende komitee vir die geïntegreerde tersiêre stelsels (ITS)-gebruikersgroep en 'n uitvoerende lid van die Suider-Afrikaanse Vereniging vir Institusionele Navorsing (SAAIR). Verder verteenwoordig sy die personeel van die universiteit se pensioenfonds (UNIREF).
“Ek het dit nog altyd reggekry om 'n bydrae te lewer tot die strategie van my 'avant-garde'-universiteit, spesifiek met die doel om ander te bemagtig. Innovering is die kern van tegnologiese instellings, maar ek glo ons moet nooit ons menslikheid uit die oog verloor nie.
“Ek het gegroei deur uitdagings en avonture aan te pak en ek streef daarna om stelsels en prosedures onvergeetlik te maak vir ander, want ek hou daarvan om te sien hoe innoverende idees vrugte afwerp,” het sy bygevoeg.
Frans het 'n meestersgraad in sakeadministrasie van die Regent Business School in Suid-Afrika. In 'n verklaring wat die universiteit onlangs uitgereik het, het die kampusgemeenskap Frans gelukgewens. “Ons wens haar alles van die beste toe tydens haar ampstermyn,” lui die boodskap.
Kommentaar
Republikein
Geen kommentaar is op hierdie artikel gelaat nie