Van Schalkwyk spring tronkstraf vry

N$20 000 boete ná matriekmeisie in ongeluk sterf

03 May 2021 | Howe
Marc Springer

Byna vyf jaar nadat die 18-jarige Dunja von Dewitz in ‘n motorongeluk gesterf het en haar kêrel, Roedolf Jaco (RJ) Visser, ernstig beseer is, kon haar ouers berusting vind in die wete geregtigheid het geskied.

Jacobus van Schalkwyk (23), bestuurder van die voertuig, is Vrydag in die streekhof in Windhoek ‘n boete van N$20 000, alternatiewelik vier jaar tronkstraf, opgelê vir sy skuldigbevinding aan strafbare manslag.

Hy is ook tronkstraf van twee jaar opgelê, wat opgeskort is vir vyf jaar. Dit beteken as hy ‘n soortgelyke oortreding in die volgende vyf jaar begaan, tree die tronkstraf in werking.

Landdros Alexis Diergaardt het tydens vonnisoplegging gesê Van Schalkwyk verdien ‘n tweede kans en sy het hom gemaan om die beste daarvan te maak.

Me. Erna von Dewitz, Dunja se moeder, het voor vonnisoplegging getuig hoewel haar dogter se dood hul as familie verpletter het, wil hulle nie sien dat Van Schalkwyk tronk toe gaan nie. Sy het gesê hulle is verlig dat hy skuldig bevind is, want dit het vir hulle ‘n mate van afsluiting gebring.

Die ongeluk het op 15 Oktober 2016 omstreek 01:30 in Mandume Ndemufayorylaan in Windhoek plaasgevind. Dunja en RJ was passasiers in ‘n Ford Figo wat deur Van Schalkwyk bestuur is. Hy het beheer oor die voertuig verloor en ‘n ongeluk gemaak. Dunja is op slag dood en RJ is ernstig beseer.

Aangesien Van Schalkwyk na bewering die toneel van die ongeluk verlaat en die polisieondersoek lank gesloer het, is hy eers weke later as die bestuurder geïdentifiseer en aangekla.

Ná sy eerste verskyning op 12 Desember 2016 is die verhoor verskeie kere uitgestel en in Julie 2017 van die rol verwyder toe verskeie dokumente soos die nadoodse ondersoek en verklarings deur getuies nog nie beskikbaar was nie. Dit is weer later op die hofrol gevoeg.

In ‘n siviele verhoor wat nog hangend is, eis die Von Dewitz- en Visser-ouerpaar N$11 miljoen van Van Schalkwyk en sy ouers. Hulle voer in hofstukke aan hy was onder die invloed van alkohol agter die stuurwiel en het teen ‘n hoë spoed gery. –[email protected]

Soortgelyk

 

Skoolhoof van Swakop sterf aan Covid-19

9 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

9 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

9 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

9 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

9 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

9 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

9 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

9 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

9 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...