Vaarwel en welkom tuis, ou grote

29 April 2016 | Sport
Die rugbywêreld groet ’n grote met Jacques Burger se bevestiging dat hy in sy laaste wedstryd vir Saracens teen Newcastle Falcons in Allianz Park in die Engelse premierliga opdraf waarna hy sy stewels vir goed gaan ophang.
Die wedstryd is Sondag om 15:10 Namibiese tyd (regstreeks op SuperSport 7).
Die 32-jarige Namibiese flank het sy land in 41 toetse verteenwoordig en sy verskyning by drie opeenvolgende Wêreldbekers gemaak waar hy sy land met onderskeiding verteenwoordig het – die laaste twee kere as kaptein.
Hy het in 2009 by Saracens aangesluit en het hom oor ’n tydperk van sewe jaar en meer as 100 wedstryde as een van die mees gevreesde plettervatters in internasionale rugby gevestig. Sy werktempo is bo verdenking en sy vertonings in Engeland was konstant onder die voorste spelers. Die klub het in dié era Engelse titels gewen en ook in Europese finale gespeel.
Burger wat met sy terugkeer in Namibië gaan boer, het oop kaarte gespeel oor sy besluit om dié sport vaarwel te roep.
“Sondag sal ’n baie spesiale tydperk in my lewe tot ’n einde kom. Dit is hartseer, maar soos ek tevore gesê het, ek speel rugby omrede ek daarvan gehou het en die spel lief het,” het hy aan The Guardian gesê.
“Toe ek klein was, wou ek met alle mag ’n professionele rugbyspeler word en ek was in die gelukkige posisie om my droom te kon verwesenlik. Dit was ’n ongelooflike reis. Ek kan met alle eerlikheid sê dat ek elke minuut by Saracens geniet het, want dit was my huis gewees vandat ek die dag hier aangekom het.”
Mark MacCall, direkteur van rugby by Saracens, het gesê: “Jacques was ’n ongelooflike speler en mens vir ons klub. Sy leiding en voorbeeld met sy onverskrokkenheid op die veld was goud werd. Elke keer wat hy opgedraf het, het hy alles gegee. Hy sal altyd as een van die ware groot geeste van Saracens onthou word. Ek hoop net dat ons hom Sondag met ’n welverdiende oorwinning kan groet.”
Die rugbyskrywer Chris Hewitt het só hulde aan die legendariese ysterflank gebring en gemeen dat die plaas van 14 000 hektaar waar Burger gaan boer, nie groot genoeg vir sy werkvermoë sal wees nie.
“You could be as blind as a bat and still identify Burger as the toughest of the tough, simply by listening to the percussive sound of his tackling. What is it that separates the special rugby player from the massed ranks of merely outstanding practitioners? That question can be answered in a hundred different ways, but we know this much: there is more to being special than having a skill-set to die for.
“Rugby is as much about the abstractions and indefinables of contact sport – guts, commitment, a pain threshold so high that it is lost somewhere among the clouds – as it is about the ability to wrong-foot an entire defensive line with a blind cut-out pass or a swivel of the hips. Jacques Burger was the strongest of men in a strong man’s game. 14,000 acres? Pah. He’ll have the whole lot dug before breakfast,” het Hewitt geskryf.

Soortgelyk

 

Selfdegeslaghuwelike ly neerlaag … vir nou

2 ure gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

2 ure gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

2 ure gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

2 ure gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

2 ure gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Die weer Vrydag 21 Januarie 2022

2 ure gelede | Weer

BINNELAND: Gedeeltelik bewolk en baie warm in die noordooste met ’n paar buie in die Kavango, Otjozondjupa se ooste en die Omahekestreek; andersins gedeeltelik bewolk...

Hardap loop gou vol

2 ure gelede | Weer

Elvira Hattingh - Die Hardapdam sou na verwagting laat gisteraand 70% van sy kapasiteit bereik, wat beteken dié Suidedam se sluise sou getrek moes word....

Covid-19: 20 sterftes, 151 nuwe gevalle

9 ure gelede | Gesondheid

Die ministerie van gesondheid en maatskaplike dienste het twintig nuwe Covid-19-sterftes aangemeld, die meeste daarvan op Gobabis (13 sterftes), wat dié sterftesyfer op 3 884...

Hardap se sluise dalk vanaand getrek

11 ure gelede | Omgewing

Die Hardapdam kan dalk laat vanaand 70% van sy kapasiteit bereik, wat beteken dié suidedam se sluise sal getrek moet word. Die dam was om...