Tyd vir wildernisterapie

Oorkom vrees deur selfverkenning

01 October 2019 | Skole
Elizabeth Joseph

Sewe meisies van die Hoërskool Ella du Plessis het onlangs wildernisterapie vir potensiaalontwikkeling en karakterbou gekry.

Hulle was saam met ‘n span van Wilderness Therapy Namibia (WTN) op ‘n uitstappie na die Visrivier-canyon.

Die fokus was op die ontwikkeling van individuele sterkpunte, potensiaal en vaardighede. Blootstelling aan avontuur en verwante aktiwiteite het die potensiaal om positiewe karaktereienskappe soos vasberadenheid, geestelike uithouvermoëns en ? positiewe selfbeeld te vorm.

Die WTN-program bevat terapeutiese aspekte wat jongmense die geleentheid bied om openhartig deel te word van dié selfverkenningsreis.

Die program verskil van die gewone omdat dit in die natuur aangebied word. Dit bied geleenthede vir wegkom van die gejaagdheid in die lewe, en verskaf fisieke uitdagings, staproetes, spanwerk en groepsbesprekings. Die fisieke uitdagings help deelnemers om opnuut hul werklike krag te besef, asook en hul selfvertroue en selfbeeld te verbeter. Dit daag ook deelnemers se vrees vir onder meer hoogtes, donkerte, wilde diere en alleenwees uit.

So het deelnemers dit ervaar:

Leevi Frieda

Ek het eerstehands gesien hoe elkeen toegewy móét wees om ons doel te bereik. Dit het my geleer dat elkeen van ons in ons lewe toewyding moet hê en ons verpligtinge moet nakom.

Rauna Nghituwamata

Ons het elke oggend die geleentheid gehad om stiltetyd te hou wat my gehelp het om weer myself te ontdek;, my tyd en hoe ek dit gebruik te evalueer; en hoe ek op situasies reageer te verander sodat ek meer positief kan raak. Alles begin by my en hoe ek reageer.

Shambwangala Delfina

Ek was in ? plek waar ek die natuur kon ervaar op ? manier wat ek nie voorheen kon nie. Hierdie geleentheid het my lewe verander en ek het net weer besef dat die beste goed in die lewe nie geld kos nie.

Kavanda Cristine

Ek het dit reggekry om ongeveer 120 km ver te stap en dit het bewys as ek vasbyt en hard werk, kan ek my verpligtinge nakom. Ek het nie moed opgegee nie en gesien as ek vasberade is, kan niks my terughou of keer om my drome te verwesenlik of my eindbestemming te bereik nie.

Loide Sheethipo

Ons het ? aand gehad waar ons alleen kon wees en dit het my die geleentheid gegee om te leer hoe ek my probleme kan oorkom. Dit was ? dag wat ek nooit sal vergeet nie. Indien ek in die toekoms sukkel of probleme het, het ek nou die vaardighede geleer om daardeur te werk en dit is ongelooflik.

Soortgelyk

 

Geval nr. 22 se toestand kritiek

8 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

8 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

8 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

8 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

8 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

8 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

8 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

8 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

8 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...