Tweede Kongokoors-sterfte vanjaar

Pasop vir bosluise

11 August 2017 | Gesondheid
Henriette Lamprecht - 'n Man van die Omusatistreek is Woensdag in die sentrale hospitaal in Windhoek aan Kongokoors dood. Die 63-jarige man is Maandag in die hospitaal se isolasie-eenheid opgeneem. Hy is op Vrydag 4 Augustus in 'n private hospitaal met simptome van kopseer, lyfseer, naarheid en braking opgeneem.

Volgens die waarnemende sekretaris van die ministerie van gesondheid en maatskaplike dienste is die oorledene meer as 'n week gelede deur 'n bosluis gebyt.

Me. Bertha Katjivena het tydens 'n mediakonferensie in Windhoek gesê die oorledene het op 1 Augustus van die Uukwandongo-nedersetting in die Okahao-distrik af vir 'n geleentheid na die hoofstad gereis.

"Bloedtoetse wat na Suid-Afrika gestuur is, het bevestig dat hy Kongokoors gehad het," het Katjivena gesê.

Volgens Katjivena is beamptes van die ministerie in samewerking met ander lynministeries, waaronder die ministerie van landbou se veeartsenydienste, besig met ondersoeke in die distrik in die Omusatistreek vanwaar die oorledene afkomstig is.

"'n Aktiewe gevallestudie duur voort en die inwoners van die nedersetting word daagliks noukeurig gemonitor."

Sy het voorts beklemtoon alle persone wat in kontak met die oorledene was, is deel van dié daaglikse proses.

Tans is drie mense wat in nabye kontak met die oorledene was vir waarneming in Windhoek se sentrale hospitaal se isolasie-eenheid opgeneem.

Dr. Charles Sagoe-Moses, die Wêreldgesondheidsorganisasie (WHO) se verteenwoordiger in Namibië, het verseker "al die nodige stappe word geneem om die geval te beheer en te verhoed dat dit verder versprei".

"Die verlede het ons geleer en bewys ons het die nodige roetines en maatreëls en is toegerus om dit te hanteer," het Sagoe-Moses gesê.

Iemand met Kongokoors het onder meer 'n skielike hoë koors, kopseer, rugpyn, pyn in sy of haar ledemate, 'n stywe nek en 'n veluitslag. Die man was ook in kontak met 'n iemand met soortgelyke simptome of diere wat met bosluise besmet of deur 'n bosluis gebyt is.

Kongokoors kan deur bosluisbyte of die hantering van bosluise met kaal hande oorgedra word. Dieselfde geld vir direkte kontak met besmette dierebloed en -organe, insluitend die slag van diere met bosluise, die hanteer van besmette linne en klere, liggaamsvloeistowwe van 'n persoon wat met die siekte besmet is, asook die liggaam van 'n persoon wat aan die siekte gesterf het.

Soortgelyk

 

Hage sê oor 2017

7 ure gelede | Regering

Pres. Hage Geingob het vanoggend (Woensdag) tydens sy jaareind-nuuskonferensie 'n wye oorsig oor die prestasies en uitdagings van die afgelope jaar gegee. Hy het ook...

Geliefde Stienie Mudge sterf

9 ure gelede | Mense

Die 87-jarige me. Stienie Mudge, vrou van die veteraan-politikus mnr. Dirk Mudge, is Dinsdagnag in Windhoek oorlede.Sy laat haar man, hul vyf kinders, sestien kleinkinders...

Geen oorbruggingsdekking vir Psemas-lede

19 ure gelede | Gesondheid

Henriette Lamprecht Lede van die staat se mediese fonds (Psemas) kwalifiseer volgens die gedeelte oor voorlopige standaarde in die Wet op Finansiële Instellings en Markte...

Sardynvangste gestaak

19 ure gelede | Visserye

Augetto Graig Vanaf 1 Januarie 2018 tot 31 Desember 2020 sal geen grootskaalse vangste van sardyne in Namibiese waters toegelaat word nie. Die kabinet het...

Jan Möhr en HTS se rapporte by skoolhoofde

19 ure gelede | Onderwys

Henriette Lamprecht Die kantoor van die ombudsman het verskeie klagtes van ouers van leerlinge verbonde aan die Sekondêre Skool Jan Möhr en die Hoër Tegniese...

Kinders sterf tragies in ou kar

19 ure gelede | Plaaslik

Francoise Steynberg Die lewelose liggame van 'n niggie en nefie van Grootfontein is Sondagnamiddag in 'n ou voertuig op hul erf gevind.Volgens die woordvoerder van...

Weer vir 13

19 ure gelede | Weer

BINNELAND: Meestal sonnig en baie tot bloedig warm in die Suide, andersins gedeeltelik bewolk en baie tot bloedig warm met 'n paar donderbuie in die...

N$650 000 for garden project

19 ure gelede | Landbou

NAMPAFarmers and community members from Hukus in the Aminuis area of the Omaheke Region on Thursday received a donation of N$650 000 for the development...

Kleremaker help ander

19 ure gelede | Mense

Tanja Bause – “Soms kom ’n ouma met haar kleinkind se geskeurde skoolklere na my toe en vra dat ek dit herstel. “Ek kan sien...