Twee mans verkrag, beroof vrou
Twee mans het Saterdag omstreeks 04:00 'n 49-jarige vrou in Omuturastraat in die Havana-woonbuurt verkrag en beroof. Die vrou was tydens die voorval alleen by die huis. Sy het wakker geword van ’n flitslig wat in haar gesig geskyn het. Die twee mans met balaklawas was volgens die polisie se jongste misdaadverslag met ’n panga en ’n mes gewapen. Die mans het die vrou om die beurt verkrag, voordat hulle met kontant op die vlug geslaan het. Niemand is nog in verband met die voorval in hegtenis geneem nie.
Kommentaar
Republikein
Geen kommentaar is op hierdie artikel gelaat nie